თბილისი, 5 ივნისი — Sputnik. ზუგდიდის მუნიციპალიტეტის სოფელ ნაწულუკუში შუახნის მამაკაცს, გია თოდუას ეძებენ. როგორც „Sputnik-საქართველოს” დაკარგულის შვილმა განუცხადა, მამამისი სახლიდან 2 ივნისს გავიდა და მას შემდეგ ოჯახი მისი ადგილსამყოფელის შესახებ ინფორმაციას არ ფლობს.
„მამაჩემი სახლიდან 2 ივნისს დაახლოებით დილის 11 საათზე გავიდა. არანაირი ვერსია არ გვაქვს, სად შეიძლება წასულიყო. ყველგან დარეკილი გვაქვს, საახლობლოში, სანათესაოში, თუმცა მისი ადგილსამყოფელი არავინ იცის. უკვე მეხუთე დღეა უშედეგოდ ვეძებთ“, — განაცხადა გიორგი თოდუამ.
აღნიშნულ ფაქტთან დაკავშირებით შინაგან საქმეთა სამინისტროში აცხადებენ, რომ სამძებრო სამუშაოები ამ დრომდე მიმდინარეობს.