თბილისი, 4 ივნისი — Sputnik. „ბიუ-ბიუს“ ბრენდის გაუყინავი ქათმის პროდუქცია ივნისში გაყიდვაში არ იქნება, აცნობეს „Sputnik-საქართველოს“ ბრენდის მწარმოებელ კომპანია „ჩირინში“.
დღეიდან დაიხურა კომპანიის ჯიხურები, სადაც „ბიუ-ბიუს“ ქათმები, კვერცხი, კარაქი და მაიონეზი იყიდებოდა. კომპანიას თბილისში 45 ჯიხური აქვს, რუსთავში — 4, გორში — 2 და ხაშურში — 2.
პროდუქციის წარმოების შეჩერების მიზეზი ფრინველის ფერმებში დაგეგმილი სანიტარული ღონისძიებებია, რომლებსაც კომპანია ეტაპობრივად განახორციელებს.
როგორც კომპანიაში აღნიშნეს, ფერმები 5 წელია არ დასუფთავებულა.
კომპანია „ჩირინა“ გაუყინავი ქათმის პროდუქციის გაყიდვას 1 ივლისიდან განაახლებს.