თბილისი, 26 მაისი — Sputnik. ძლიერი სეტყვის შედეგად თეთრიწყაროს მუნიციპალიტეტში მდებარე სოფელი ჭივჭავი დაზარალდა, იუწყება საზოგადოებრივი მაუწყებლის პირველი არხი.
ადგილობრივების თქმით, სეტყვა 10-15 წუთის განმავლობაში გრძელდებოდა.
სტიქიამ თეთრიწყაროში და სოფელ ჭივჭავში სასოფლო-სამეურნეო სავარგულები, ხეხილი და ბოსტნეულის ნარგავები დააზიანა. განსაკუთრებული ზიანი ჭივჭავის მოსახლეობას მიადგა.
სეტყვისგან მიყენებულ ზარალს თეთრიწყაროს მერიაში არსებული სპეციალური კომისია დაადგენს, რომელიც მუშაობას ორშაბათიდან შეუდგება.