ავსტრიის დედაქალაქი: ხელოვნების, მუსიკისა და რომანტიკის ქალაქი–დღესასწაული

თუ გსურთ კულტურული შოკის მიღება, აუცილებლად უნდა მოინახულოთ ვენა. ვენა — ეს არის ხელოვნების, მუსიკისა და რომანტიკის ქალაქი–დღესასწაული. ამ ქალაქს თავისი განუმეორებელი შარმი აქვს განსაკუთრებული შენობებით, ღვინით, მიმზიდველი და მყუდრო კაფეებით, ყავახანებითა და განუმეორებელი ყავით.

ავსტრიის დედაქალაქი ვენა მდებარეობს ქვეყნის აღმოსავლეთ ნაწილში, ის ერთ-ერთია იმ ცხრა ავსტრიული პროვინციიდან, სადაც ყველაზე მეტი ხალხი ცხოვრობს (1,8 მილიონი ადამიანი). დუნაის ნაპირებზე გადაჭიმული ქალაქი ერთ-ერთი ყველაზე მომხიბვლელი, დახვეწილი და ულამაზესია ევროპაში, თავისი მდიდარი ისტორიითა და უამრავი ღირსშესანიშნაობით. Sputnik-საქართველოს ფოტოლენტაში გიამბობთ, თუ რა არ უნდა გამოგრჩეთ ვენაში მოგზაურობისას.

1 / 12

ღამის ხედი ავსტრიის დედაქალაქზე

CC0 / Pixabay / Julius_Silver /

2 / 12

ჰოფბურგი უძველეს დროში აშენდა პირველი სასახლე, რომელიც შემდგომ დიდებული და პომპეზური ჰოფბურგის საფუძვლად იქცა. ჰოფბურგი ჰაბსბურგთა ძლევამოსილი დინასტიის ზამთრის რეზიდენცია იყო, 1945 წლიდან კი იგი ავსტრიის პრეზიდენტის რეზიდენციაა. დღეს აქ თავმოყრილია მუზეუმები, ციხე-დარბაზები, მინისტრების კაბინეტები

CC0 / Pixabay / domeckopol /

3 / 12

ამბობენ, თუ ეს სასახლე არ გინახავს, არ გინახავს ვენაო. შენბრუნის სასახლე იმპერატორების საგვარეულოს – ჰაბსბურგთა დინასტიის საზაფხულო სახლი გახლდათ. შენბრუნი 1441-ოთახიანი სასახლეა, რომლის ბაღებში 2 კილომეტრამდე სიგრძის ლაბირინთიცაა. მიუხედავად ამდენი ოთახისა, სასახლეში სამზარეულო არ არსებობდა. კერძები სხვა შენობაში მზადდებოდა და შემდეგ მოსამსახურეებს მოჰქონდათ მონარქებისთვის.

მონაქრიის დაცემის შემდეგ, 1918 წელს შენბრუნი ახლად დაარსებული ავსტრიის რესპუბლიკის მფლობელობაში გადავიდა და მუზეუმად იქცა. დღეს სასახლე ვენის ერთ-ერთ ყველაზე პოპულარულ ტურისტულ ადგილს წარმოადგენს

CC0 / Pixabay / 12019 /

4 / 12

ვენაშია მსოფლიოში უძველესი და ულამაზესი ზოოპარკი, რომელიც დაარსდა 1752 წელს. იგი ექსპერტებმა (Anthony Sheridan) ევროპის საუკეთესო ზოოპარკად აღიარეს. აქ ჯერ კიდევ არის შემორჩენილი და საკმაოდ კარგადაა შენახული ბაროკოს სტილში აშენებული შენობები. ვენის ზოოპარკი ცნობილია უზარმაზარი პანდებით, ველური ჯუნგლების ორსართულიანი სექციით და ვარდისფერი ფლამინგოებით

CC BY-SA 2.0 / KLMircea / Schönbrunn Palace

5 / 12

XVIII საუკუნეში აგებული ბელვედერი – თავისი დროის ერთ–ერთი უდიდესი მთავარსარდლის, სავოის პრინცის საზაფხულო რეზიდენცია იყო. ბელვედერის ისტორიული შენობა შედგება ბაროკოს სტილის ორი სასახლისგან, ორანჟერეისგან და სასახლის თავლებისგან. დღეს აქ განთავსებულია ავსტრიის ყველაზე მნიშვნელოვანი ხელოვნების ნიმუშები შუა საუკუნეებიდან დღემდე. მუზეუმი 4 სართულს მოიცავს და შესულია იუნესკოს მსოფლიო მემკვიდრეობის ძეგლთა დაცვის სიაში. აქ ნახავთ გუსტავ კლიმტის კოლექციას და მის არაჩვეულებრივ „კოცნას“ (1907-1908 წწ). მართლაც, საოცარ ემოციას გამოიწვევს მსოფლიოში ყველაზე ლამაზი „კოცნის“ ორიგინალში დათვალიერება

CC0 / Pixabay / bogitw /

6 / 12

ამ ტაძრის (წმინდა სტეფანეს ტაძარი (შტეფანსდომი)) გარეშე დღეს არა მხოლოდ ვენის, არამედ მთელი ავსტრიის წარმოდგენაც შეუძლებელია – ეს ნაგებობაც ჰაბსბურგების ეპოქას ეკუთვნის

CC0 / Pixabay / domeckopol /

7 / 12

უჩვეულო არქიტექტურა აქვს კარლსრიხის, იგივე წმინდა კარლოსის ეკლესიას, რომელიც შავი ჭირისგან დამცველად მიიჩნეოდა. იგი ყველაზე ცნობილი ბაროკოს სტილის შენობაა ვენაში

CC BY 2.0 / Aapo Haapanen / Karlskirche

8 / 12

ავსტრიის პარლამენტი აშენებულია 1874–1883 წლებში. იგი ვენის ერთ-ერთ შედევრად მიიჩნევა. ცოტა მოგვიანებით მის წინ ათენა პალადას დახვეწილი სკულპტურა დაიდგა

CC BY-SA 2.0 / Dennis Jarvis / Austrian Parliament

9 / 12

მსოფლიო მუსიკალური ცენტრის სახელი, რასაც ვენა უკვე მრავალი საუკუნეა ატარებს, XIX ასწლეულში გაამყარა ვენის ოპერის შენობამ, რომელიც დღესაც ავსტრიის უდიდესი მუსიკალური თეატრია. აქ ტარდება უმნიშვნელოვანესი მუსიკალური ღონისძიებები, მათ შორის, ცნობილი ვენური მეჯლისი. მდებარეობს ქალაქის ცენტრში

CC BY 2.0 / Miguel Mendez / The Vienna State Opera

10 / 12

კიდევ ერთი საცხოვრებელი კომპლექსი – ჰუნდერტვასერის სახლი ტურისტების დიდ ინტერესს იწვევს. ეს ნაგებობა 1983-1986 წლებში აშენდა ფრიდენსრეიჰ ჰუნდერტვასერის პროექტით და ის მსოფლიოს არც ერთ სხვა შენობას არ ჰგავს – სახლს არ აქვს ერთი სწორი ხაზიც კი, თუმცა, ბევრია სიმწვანე და სხვადასხვა ფერის კედლები, სახურავზე – მიწა და ბალახი

CC BY-SA 2.0 / Dario Sušanj / Hundertwasserhaus

11 / 12

ვენაში სტუმრობისას აუცილებლად უნდა მოინახულოთ „ვენის პრატერი“ – უზარმაზარი პარკი და დასასვენებელი ზონა. ასობით ატრაქციონთან ერთად აქ არის ცნობილი „ეშმაკის ბორბალი

CC BY 2.0 / Sarah_Ackerman / Prater

12 / 12

პლანეტის ერთ-ერთი უმშვენიერესი ქალაქის პანორამით შეგიძლიათ დატკბეთ „ეშმაკის ბორბლიდან“, რომელიც პრატერის პარკში მდებარეობს. ის 64.75 მეტრი სიმაღლისაა და ბრიტანელმა ინჟინრებმა ააგეს 100 წლის წინ

CC BY 2.0 / Anonymous Account / Prater