თბილისი, 6 მაისი — Sputnik. ცაგერში ლომისის წმინდა გიორგის სახელობის სამონასტრო კომპლექსი გაიხსნა, იუწყება ტელეკომპანია „იმედი“ (Imedi).
ლომისის წმინდა გიორგის სახელობის სამონასტრო კომპლექსი სოფელ ჩქუმში გიორგობის ბრწყინვალე დღესასწაულთან დაკავშირებით გაიხსნა. ის ბიზნესმენმა ვოვა თუთისანმა პატრიარქის აღსაყდრებიდან 40 წლის იუბილესთან დაკავშირებით ააშენა.
ტაძარი ორი წლის განმავლობაში შენდებოდა და მისთვის საბერძნეთიდან სპეციალურად ჩამოაბრძანეს ათონის მთაზე დაწერილი ხატები.
საზეიმო წირვა მეუფე სტეფანემ აღავლინა. სამონასტრო კომპლექსის კურთხევას სასულიერო პირები, პოლიტიკოსები და მრევლი ესწრებოდა.