თბილისი, 20 აპრილი – Sputnik. ავტოტრანსპორტის მოძრაობა ბათუმის ზოგიერთ ქუჩაზე, მასშტაბური ღამის ნახევარმარათონის The Great Batumi Night Race ჩატარებასთან დაკავშირებით, 21 აპრილს 19:00 საათიდან აიკრძალება, ნათქვამია შსს–ს ვებ–გვერდზე გამოქვეყნებულ განცხადებაში.
შსს–ს საპატრულო პოლიციის დეპარტამენტი მოძრაობას გადაკეტავს შემდეგ ქუჩებზე:
•შერიფ ხიმშიაშვილის გამზირი;
•შოთა რუსთაველის გამზირი;
•გოგებაშვილის ქუჩა (საპორტო რკინიგზის ლიანდაგამდე);
•პორტის შესახვევი;
•ზვიად გამსახურდიას ქუჩა (პორტის შესახვევიდან მერაბ კოსტავას ქუჩის კვეთამდე);
•მერაბ კოსტავას ქუჩა (ზვიად გამსახურდიას ქუჩის კვეთიდან ბოლომდე);
•კონსტანტინე გამსახურდიას ქუჩა (მერაბ კოსტავას ქუჩიდან რევაზ კომახიძის ქუჩის კვეთამდე);
•რევაზ კომახიძის ქუჩა (კონსტანტინე გამსახურდიას ქუჩიდან ნიკოლოზ ბარათაშვილის ქუჩის კვეთამდე);
•ნიკოლოზ ბარათაშვილის ქუჩა (რევაზ კომახიძის ქუჩიდან ზურაბ გორგილაძის ქუჩის კვეთამდე);
•ზურაბ გორგილაძის ქუჩა (ნიკოლოზ ბარათაშვილის ქუჩიდან ვაჟა ფშაველას ქუჩის კვეთამდე);
•ვაჟა ფშაველას ქუჩა (ზურაბ გორგილაძის ქუჩიდან მემედ აბაშიძის გამზირის კვეთამდე);
•მემედ აბაშიძის გამზირი (ვაჟა ფშაველას ქუჩიდან კონსტანტინე გამსახურდიას ქუჩის კვეთამდე);
•კონსტანტინე გამსახურდიას ქუჩა (მემედ აბაშიძის გამზირიდან რუსთაველის გამზირამდე);
•გმირთა ხეივანი (იუსტიციის სახლიდან ტბელ აბუსერიძის გზატკეცილამდე);
•ტბელ აბუსერიძის ქუჩა (შეიხის წრიულიდან აეროპორტის გზატკეცილამდე);
•აეროპორტის გზატკეცილი (ტბელ აბუსერიძის წრიულიდან აეროპორტის წრიულამდე);
•ახალი გზა (აეროპორტის წრიულიდან შერიფ ხიმშიაშვილის ქუჩამდე).
ბათუმში 21 აპრილს პირველად გაიმართება მასშტაბური ღამის ნახევარმარათონი The Great Batumi Night Race.
დაგეგმილია მარათონის რამდენიმე სახეობა: ნახევარმარათონი — 21,1 კმ და მხიარული გარბენი (დაახლოებით 10 კმ). გარბენის დროა 18:00-23:00. ნახევარმარათონის გამარჯვებული სოლიდური პრიზებით დაჯილდოვდება.
კიდევ ორი მარათონი ბავშვებისთვის გაიმართება: — 6-9 წლის (500 მეტრი), 10-13 წლის (1 კმ) ასაკისთვის. ბავშვებისთვის მარათონში მონაწილეობა უფასოა, ხოლო უფროსები 20 ლარიდან ზევით თანხას გადაიხდიან.