თბილისი, 2 აპრილი — Sputnik. ორმოცდაათზე მეტი ტურისტი, რომელთა უმრავლესობა მოზარდები არიან, საკვები მოწამვლის ნიშნებით ვაშინგტონის საავადმყოფოში გადაიყვანეს, იუწყება РИА Новости კოლუმბიის ოლქის სახანძრო სამსახურის და გადაუდებელი სამედიცინო დახმარების დეპარტამენტზე დაყრდნობით.
სავარაუდოდ ლონდონიდან ჩასული ტურისტების ჯგუფმა ვაშინგტონის ერთ-ერთ სასტუმროში რეგისტრაციისთანავე სამედიცინო დახმარებას მიმართა. თავიდან საავადმყოფოში გადაიყვანეს ცხრა ადამიანი, შემდეგ მათ დაემატა კიდევ ოთხი, მერე კი დაშავებულთა რიცხვი კიდევ გაიზარდა.
„სასტუმრო Harrington-ში დაავადებულთა მდგომარეობა: სულ ჯამში საავადმყოფოში გადაყვანილია 48 მოზარდი და სამი მოზრდილი. ზოგიერთს ავადმყოფობის სიმპტომები არ აღენიშნებოდათ, მაგრამ ისინი საავადმყოფოში პროფილაქტიკის მიზნით გადაიყვანეს“, — აცხადებს უწყება Twitter-ში.
როგორც გაზეთი New York Daily News-ი იუწყება, ადამიანებმა მოწამვლის პირველი სიმპტომები ჯერ კიდევ ნიუ-იორკში იგრძნეს, მაგრამ გადაწყვიტეს დედაქალაქში ჩასულიყვნენ და დახმარებისთვის იქ მიემართათ.
ტურისტების მოწამვლის ფაქტს ნიუ-იორკის ჯანდაცვის დეპარტამენტი გამოიძიებს.