თბილისი, 23 მარტი — Sputnik. საქართველოს რაგბის ეროვნული ნაკრების კაპიტანი კარიერას უელსის კლუბ „ოსპრეიზში" გააგრძელებს, ნათქვამია გუნდის ვებ-გვერდზე განთავსებულ განცხადებაში.
33 წლის ნემსაძემ, რომელიც აქამდე ინგლისურ „ბრისტოლში" გამოდიოდა, ვალიურ კლუბთან მოკლევადიანი შეთანხმება გააფორმა, რომელიც ამ სეზონის ბოლომდეა გათვლილი. გარიგების ფინანსური მხარე უცნობია.
„გიორგი გუნდს გამოცდილებასა და სიღრმეს შემატებს. ის ძალზე აგრესიულია სპორტული თვალსაზრისით და ფიზიკურად კარგად განვითარებული — როგორიც უნდა იყოს ნამდვილი თავდამსხმელი. საქართველოს ნაკრების წარმატებები ბოლო წლებში შერკინებებზეა დაფუძნებული, ხოლო ნემსაძე ამ კომპონენტში საკვანძო როლს ასრულებს", — განაცხადა კლუბის მთავარმა მწვრთნელმა დენ გრიფიტსმა.
ნემსაძე „ბრისტოლში" 2016 წლის ზაფხულიდან თამაშობდა. მანამდე ქართველი მორაგბე საფრანგეთის კლუბებში გამოდიოდა („მონტობანი", „აჟენი", „ტარბი").
საქართველოს ნაკრების შემადგენლობაში ნემსაძეს 81 შეხვედრა აქვს ჩატარებული, მონაწილეობდა მსოფლიოს ორ ჩემპიონატში — 2011 წელს ახალ ზელანდიაში და 2015 წელს — ინგლისსა და უელსში. „ოსპრეიზი" ვალიური კლუბია. არის უელსის ოთხიდან ერთ-ერთი პროფესიული კლუბი.