თბილისი, 21 თებერვალი —Sputnik. დიდუბეში, ერისთავის ქუჩაზე ხანძარია, იუწყება ტელეკომპანია Rustavi2.
გავრცელებული ინფორმაციით, ხანძარი ერისთავის ქუჩაზე მდებარე ყოფილი კიროვის ქარხანაში გაჩნდა — ცეცხლი დასაწყობებულ მატრასებს უკიდია.
ამ ეტაპზე უცნობია, თუ რა მასშტაბზეა გავრცელებული ცეცხლი, ასევე უცნობია ხანძრის გაჩენის მიზეზი.
შემთხვევის ადგილზე 18 სახანძრო-სამაშველო ბრიგადაა მობილიზებული.