თბილისი, 12 თებერვალი — Sputnik. საფეხბურთო კლუბი თბილისის „დინამო“ სეზონისწინა მეორე შეკრებაზე ბელეკში (თურქეთი) გაემგზავრა, ნათქვამია დედაქალაქის გუნდის ვებგვერდზე გავრცელებულ განცხადებაში.
მეორე მოსამზადებელი პერიოდის განმავლობაში კახა კაჭარავას აღსაზრდელები ოთხი ტესტ-მატჩის გამართავს გეგმავენ.
თბილისის „დინამოს“ ამხანაგური თამაშების ცხრილი:
13 თებერვალი – „ნეფტეხიმიკი" (ნიჟნეკამსკი, რუსეთი)
17 თებერვალი – „შახტიორი" (სოლიგორსკი, ბელარუსი)
22 თებერვალი – „შახტიორი" (ყარაღანდა, ყაზახეთი)
25 თებერვალი – „ორდაბასი" (შიმკენტი, ყაზახეთი)
შეკრებაზე თბილისის „დინამოში“ დააკვირდებიან ორ ლეგიონერს (ორივე მცველია) – 24 წლის უკრაინელ სერგეი პეტკოს და 26 წლის ბელორუს ტერენტი ლუცევიჩს.
26 თებერვალს „დინამოელები“ დაბრუნდებიან თბილისში, სადაც გააგრძელებენ მომზადებას 2018 წლის სეზონის საქართველოს ჩემპიონატისთვის, რომელიც 2 მარტს დაიწყება.