თბილისი, 15 იანვარი — Sputnik. ვლადიკავკაზიდან საქართველოს-რუსეთის საზღვრისკენ, საკონტროლო-გამშვებ პუნქტ „ზემო ლარსამდე" ყველა სახის ტრანსპორტის მოძრაობა აკრძალულია, ნათქვამია რუსეთის საგანგებო სიტუაციების სამინისტროს ჩრდილოეთ ოსეთის მთავარი სამმართველოს პრეს-სამსახურის განცხადებაში.
„საქართველოს ტერიტორიაზე ამინდის გაუარესებასთან, ავტოტრანსპორტის უსაფრთხო მოძრაობის უზრუნველყოფის არარსებობასთან დაკავშირებით, ასევე საქართველოს სასაზღვრო პოლიციის რეკომენდაციების გათვალისწინებით, ქალაქ ვლადიკავკაზიდან დასახლებულ პუნქტ ლარსამდე ავტოტრანსპორტის მოძრაობა იკრძალება", — აღნიშნულია განცხადებაში.
საზღვარზე თავმოყრილია 267 ავტომობილი, აქედან 210 სატვირთოა, 57 — მსუბუქი. სულ გზის გახსნას 329 ადამიანი ელოდება.
რუსეთის საგანგებო სიტუაციების სამინისტროს მთავარი სამმართველოს ძალებით გათბობის პუნქტი მოეწყო.
უწყება მოქალაქეებს ურჩევს, თავი შეიკავონ ამ მიმართულებით მოძრაობისგან.