თბილისი, 7 იანვარი — Sputnik. ერთი ადამიანი დაიღუპა მას შემდეგ, რაც ჰუდინგის რაიონში სტოკჰოლმის მეტროსადგურ Varby Gard-სთან ახლოს იპოვა საგანი, რომელიც ბომბი აღმოჩნდა, იუწყება РИА Новости სტოკჰოლმის პოლიციაზე დაყრდნობით.
ინციდენტი 13:07 საათზე მოხდა, მომხდარის ადგილი გადაკეტილია. როგორც პოლიციაში განმარტეს, დაშავებული მამაკაცი 60 წლისა იყო, მას თან ახლდა 45 წლის ქალბატონი. დაშავებული მამაკაცი სასწრაფოდ გადაიყვანეს საავადმყოფოში, თუმცა ექიმებმა მისი გადარჩენა ვერ შეძლეს. მისი თანმხლები ქალბატონიც დაჭრილია.
„ქალს სახე და ფეხები დაუზიანდა. ის საავადმყოფოშია გადაყვანილი“, — ნათქვამია პოლიციის მიერ გაკეთებულ განცხადებაში.
პოლიცია ასევე იუწყება, რომ დაწყებულია წინასწარი გამოძიება მკვლელობისა და საზოგადოებრივი უსაფრთხოების წინააღმდეგ ფაქტზე.