თბილისი, 21 მაისი – Sputnik. ევროკავშირის პროგრამა „აღმოსავლეთ პარტნიორობის“ ფორმატი არ გახლავთ ევროკავშირის გაფართოების ინსტრუმენტი, განაცხადა ხუთშაბათს გერმანიის კანცლერმა ანგელა მერკელმა, იუწყება სააგენტო РИА Новости.
„აღმოსავლეთ პარტნიორობის“ ფორმატი არ გახლავთ ევროკავშირის გაფართოების ინსტრუმენტი. ჩვენ არ უნდა გამოვიწვიოთ ხელოვნური მოლოდინები, რომლებსაც მერე ვერ შევასრულებთ. ჩვენ ვიცით ამის შესახებ. მე ვცდილობ ეს მოსაზრება ჩვენს აღმოსავლეთ პარტნიორებსაც გავაგებინო“, – განაცხადა კანცლერმა რიგის „აღმოსავლეთ პარტნიორობის“ სამიტზე გამგზავრების წინ პარლამენტში გამოსვლისას.
პროგრამა „აღმოსავლეთ პარტნიორობა“ ითვალისწინებს ევროკავშირის პოლიტიკურ ასოციაციასა და ეკონომიკურ ინტეგრაციას აზერბაიჯანთან, სომხეთთან, ბელორუსთან, საქართველოსთან, მოლდოვასა და უკრაინასთან. ჩამოთვლილთაგან ბოლო სამმა სახელმწიფომ გასულ წელს უკვე მოაწერეს ხელი ევროკავშირთან ასოცირებული პარტნიორობის შეთნხმებას.
