თბილისი, 10 ოქტომბერი — Sputnik. საქართველოს დედაქალაქი იმ პოპულარული ქალაქების ათეულში მოხვდა, სადაც რუს ტურისტებს სურვილი აქვთ ბავშვებთან ერთად ჩამოვიდნენ საშემოდგომო არდადეგებზე. რეიტინგი სასტუმროთა მოძიების ინტერნეტ-სერვისმა RoomGuru.ru-მ შეადგინა.
Top-list შეიქმნა 29 ოქტომბრიდან 6 ნოემბრამდე ბავშვებთან ერთად მოგზაურობისათვის სასტუმროებისა და აპარტამენტების საძიებო სისტემის საფუძველზე.
Top-10-ში შევიდნენ ქალაქები მინსკი, ვილნიუსი, რიგა, ბაქო, ტალინი, თბილისი, პრაღა, ბუდაპეშტი, ერევანი, და ჰელსინკი.
RoomGuru.ru-ს მოაცემებით, საქართველოს დედაქალაქში ტურისტები სკოლის საშემოდგომო არდადეგებისათვის საშუალოდ 3,5 დღით ჩამოვლენ და დღე-ღამეში სასტუმროში 54 ევროს გადაიხდიან.
ყველაზე ხანგრძლივ მოგზაურობას საშემოდგომო არდადეგებზე რუსი ტურისტები ბუდაპეშტში გეგმავენ, სადაც სასტუმროებში საშუალოდ 51 დოლარს გადაიხდიან, ხოლო ვილნიუსი ყველაზე იაფი ქალაქი იქნება საშემოდგომო არდადეგების იქ გატარების მსურველთათვის.
ТурСтат-ის ინფორმაციით 2016 წელს, გასულ წელთან შედარებით, 20%-ით გაიზარდა იმ რუსი ტურისტების რიცხვი, რომელთაც ბავშვებთან ერთად სურთ დსთ-ს და ახლო უცხოეთის ქვეყნებში იმოგზაურონ.
გარდა ამისა, რუსეთის იმ ქალაქების ხუთეულში, სადაც რუს ტურისტებს ბავშვებთან ერთად სურთ მოგზაურობა, მოხვდა მოსკოვი, სანკტ-პეტერბურგი, კაზანი, სოჭი და ეკატერინბურგი.
