ბერძნულ-რომაული ჭიდაობა
შმაგი ბოლქვაძე (-66კგ) – 17:00 თბილისის დროით.
რევაზ ნადარეიშვილი (-98 კგ) – 17:00 თბილისის დროით.
შმაგი ბოლქვაძე ამ სეზონზე არაერთხელ გახდა სხვადასხვა საერთაშორისო ტურნირის პრიზიორი. ქართველი ფალავნის ყველაზე მნიშვნელოვანი მიღწევა რიგაში ევროპის ჩემპიონატის ბრინჯაოს მედალი იყო.
რაც შეეხება ნადარეიშვილს, მისთვის მიმდინარე სეზონი უიღბლო გამოდგა. იმავე კონტინენტურ პირველობაზე რიგაში მან მხოლოდ მერვე ადგილი დაიკავა.
ორივე ქართველი ფალავანი რიოში თავის გამოსვლას საკვალიფიკაციო ორთაბრძოლით დაიწყებს.
ძალოსნობა
ლაშა ტალახაძე (+105 კგ) – 22:30 თბილისის დროით.
ირაკლი თურმანიძე (+105 კგ) – 22:30 თბილისის დროით.
ლაშა ტალახაძეს ბევრი სპეციალისტი განიხილავს როგორც მომავალი შეჯიბრების ერთ-ერთ ფავორიტს. სწორედ ქართველი მძიმეწონოსანია მსოფლიოსა და ევროპის ჩემპიონი თავის წონით კატეგორიაში.
ასევე კარგი შანსი აქვს იბრძოლოს მედლებისთვის ირაკლი თურმანიძეს. მსოფლიო პირველობაზე ჰიუსტონში მან მე-11 ადგილი დაიკავა, ხოლო კონტინენტურზე — მეშვიდე.
ტალახაძის გარდა ოლიმპიური მედლებისთვის ესტონელი მარტ სეიმი და სომეხი რუბენ ალექსანიანი იბრძოლებენ.
