მსოფლიოში COVID-19-ით დაავადება დასტაბილურდა: ჯანმოს ახალი ინფორმაცია

© photo: Sputnik / Aleksey Vitvitskiy / გადასვლა მედიაბანკშიჯანმოს ემბლემა
ჯანმოს ემბლემა - Sputnik საქართველო, 1920, 06.07.2021
გამოწერა
ჯანმრთელობის მსოფლიო ორგანიზაციის მაღალიჩინოსნების თქმით, ამ დროისათვის COVID-19-ის გავრცელებასთან დაკავშირებული სიტუაცია უკეთესია, ვიდრე ორი-სამი თვის წინ იყო.
თბილისი, 6 ივლისი − Sputnik. მსოფლიოში კორონავირუსის გავრცელებასთან დაკავშირებული ვითარება „ძალიან მაღალ დონეზე“ დასტაბილურდა, განაცხადა ჯანმრთელობის მსოფლიო ორგანიზაციის საგანგებო სიტუაციების პროგრამების აღმასრულებელმა დირექტორმა მაიკლ რაიანმა, რომელიც კოლეგა მარია ვან კერკჰოვესთან ერთად პასუხობდა ჟურნალისტის კითხვებს COVID-19-თან დაკავშირებით.
​აღნიშნული ინტერვიუ ჯანმრთელობის მსოფლიო ორგანიზაციის Twitter-ის ოფიციალურ გვერდზე გადაიცემოდა პირდაპირ ეთერში. 
„თუ ბოლო ორიოდე კვირაში [დაავადების] გრაფიკს გადავხედავთ, დავინახავთ, რომ დადგა ერთგვარი სტაბილიზაცია, მაგრამ ეს მოხდა ძალიან მაღალ დონეზე“, − აღნიშნა რაიანმა.
ამასთან მან ხაზი გაუსვა, რომ ახლა COVID-19-ის გავრცელებასთან დაკავშირებული სიტუაცია უკეთესია, ვიდრე ორი-სამი თვის წინ იყო.
​თუმცა რაიანმა იქვე აღნიშნა, რომ ქვეყნებში შექმნილი ვითარება შესამჩნევად განსხვავდება ერთმანეთისგან: რამდენიმე სახელმწიფოში დაავადების დონე მკვეთრად ეცემა, რამდენიმეში კი, პირიქით − ახალი შემთხვევების რაოდენობა იმატებს.
კორონავირუსით ინფიცირებული პაციენტი - Sputnik საქართველო, 1920, 01.07.2021
COVID-19 - ბოლო ცნობები
შემცირდეს COVID-19-ის გარკვეული პრეპარატებით მკურნალობა: ჯანმო ახალ რეკომენდაციებს გასცემს
ჯანმოს წარმომადგენლის აზრით, ეს მთელი რიგი ფაქტორებიდან გამომდინარე ხდება, მაგალითად, კორონავირუსის ისეთი ახალი შტამების გავრცელების გამო, რომლებიც გადამდებობის მაღალი უნარით გამოირჩევა, ასევე ეპიდემიის საწინააღმდეგო აკრძალვების შემსუბუქებისა და ადამიანებს შორის კონტაქტების გაზრდის გამო.
ჯანმოს სხვა წარმომადგენელმა, ამერიკელმა ინფექციონისტმა მარია ვან კერკჰოვემ კორონავირუსის გავრცელებასთან დაკავშირებული ვითარება ასევე არაერთმნიშვნელოვნად შეაფასა და განაცხადა, რომ თუ ჩრდილოეთ და სამხრეთ ამერიკაში ახალი ინფიცირების შემთხვევები იკლებს, სხვა კონტინენტებზე ინფიცირებულების რაოდენობა იზრდება.
ყველა ახალი ამბავი
0