თბილისი, 5 ივნისი – Sputnik. კალიფორნიაში კომპანია Cruise მგზავრებს უპილოტო ავტომობილებით მომსახურებას სთავაზობს - შტატის კომუნალურ საწარმოთა კომისიამ (California Public Utilities Commission) კომპანიას პირველ პროგრამაში მონაწილეობის ავტორიზაცია მიანიჭა, შესაბამისი რელიზი კომისიამ უკვე გამოსცა.
„Cruise - უპილოტო პროგრამა CPUC-ის პირველი წევრია, რომლის ფარგლებში მგზავრები სატესტო ავტომობილით გადაადგილებას მძღოლის გარეშე შეძლებენ. Cruise-ს შეუძლია არ გამოართვას მგზავრებს საფასური სატესტო ავტომობილით მგზავრობისთვის“, - ნათქვამია რელიზში.
კომისიის ხელმძღვანელობაში აცხადებენ, რომ უპილოტო პროგრამაში მონაწილეობის პირველი ნებართვის გაცემა არის აღსანიშნავი მოვლენა, ხოლო მანქანები მძღოლების გარეშე გაზრდიან უსაფრთხოებას გზებზე და გადაადგილებაზე მოთხოვნას დააკმაყოფილებენ.
რელიზში აღნიშნულია, რომ Cruise-ს უკვე ჰქონდა ავტომობილების დატესტვის ნებართვა, მაგრამ ამჟამინდელი დოკუმენტით კომპანიას მიენიჭა უფლება, სერვისი მგზავრებს შესთავაზოს.