კლიმატურმა ცვლილებემა დედამიწის ღერძი გადახარა: ქვეყნდება კვლევა

© photo: Pixabay / vincurekfპლანეტა დედამიწა
პლანეტა დედამიწა - Sputnik საქართველო, 1920, 27.05.2021
გამოწერა
მეცნიერებმა ეს დასკვნა მას შემდეგ გააკეთეს, რაც თანამგზავრული მისია GRACE-ს საშუალებით მიღებული მონაცემები გააანალიზეს, რომლის მიზანიც დედამიწის გრავიტაციული ველის შესწავლაა

თბილისი 27 მაისი − Sputnik. კლიმატური ცვლილებების გამო მყინვარების დნობამ დედამიწის ღერძისა და გეოგრაფიული პოლუსების გადახრა გამოიწვია, რაც მეოცე საუკუნის 90-იან წლებშიც მოხდა, ასეთ დასკვნამდე მივიდნენ ჩინეთის მეცნიერებათა აკადემიის უნივერსიტეტის სწავლულები.

მათი კვლევის შედეგები Phys.org-ის პრესრელიზშია გამოქვეყნებული.

​გავრცელებული ინფორმაციით, სპეციალისტებმა თანამგზავრული მისია GRACE-ს საშუალებით მიღებული მონაცემები გააანალიზეს, რომლის მიზანიც დედამიწის გრავიტაციული ველის შესწავლაა. როდესაც მყინვარები დნება, ხდება მასის გადანაწილება, რაც პლანეტის ბრუნვასა და მისი ღერძის მდებარეობაზე ახდენს გავლენას. ამაზე დაკვირვება დედამიწის სხვადასხვა წერტილში სიმძიმის ძალის გაზომვითაა შესაძლებელი.

გვალვა - Sputnik საქართველო, 1920, 27.05.2021
მეტეოროლოგები უახლოეს ხუთ წელიწადში რეკორდულად ცხელ წელს ელოდებიან

ამასთან პოლუსების ძვრა შესაძლოა მოხდეს დედამიწის ბირთვის გარე ფენაში გეოლოგიური აქტივობისა და ასევე წყლის მოცულობის (როგორც მყინვარების, ისე გრუნტის წყლების სახით) შეცვლის გამო.  

მეცნიერებმა გაარკვიეს, რომ მყინვარების დნობის გამო პოლუსების დრეიფი სამხრეთიდან ჩრდილოეთის მიმართულებით გადაიწია. გარდა ამისა, 1995 წლიდან 2020 წლამდე დრეიფების სისწრაფე 17-ჯერ გაიზარდა 1981-1995 წლებთან შედარებით.

ყველა ახალი ამბავი
0