თბილისი, 4 მარტი — Sputnik. ამერიკის შეერთებულ შტატებს არ სურს მონაწილეობა მიიღოს დაუსრულებელ ომებში, ნათქვამია ჯო ბაიდენის ადმინისტრაციის მიერ გამოქვეყნებულ ეროვნული უშიშროების სტრატეგიის გარდამავალ ნორმებში.
„შეერთებული შტატები არ არის ვალდებული და არ მიიღებს მონაწილეობას „მარადიულ“ ომებში, რომლებსაც ათასობით სიცოცხლე და ტრილიონობით დოლარი მიაქვს. ჩვენ პასუხისმგებლობით ვიმუშავებთ იმაზე, რომ დავასრულოთ აშშ-ის ყველაზე ხანგრძლივი ომი ავღანეთში“, — ნათქვამია დოკუმენტში.
აღსანიშნავია, რომ სტრატეგიის ეს ნორმა თანხმობაშია ქვეყნის წინა პრეზიდენტის დონალდ ტრამპის პოზიციასთან, რომელიც ასევე ეწინააღმდეგებოდა გამუდმებულ ომებს და მათი დასრულებისკენ ისწრაფვოდა ერაყიდან და ავღანეთიდან ჯარების გამოყვანით.
ეროვნული უშიშროების სრულმასშტაბიან სტრატეგიას ბაიდენის ადმინისტრაცია მოგვიანებით წარმოადგენს.
