თბილისი, 1 მარტი — Sputnik. ომანის ყურეში ისრაელის კუთვნილ ხომალდზე მომხდარ აფეთქებაში ირანის ხელი ურევია, განაცხადა ისრაელის პრემიერ-მინისტრმა ბენიამინ ნათანიაჰუმ რადიო KAN-თან ინტერვიუში.
Various photos circulating of the damage to the HELIOS RAY corroborate reports from two U.S. defence officials cited by AP of two holes in the port and starboard sides of the vessel (four total), just above the waterline. Signage shows damage at deck 3 level. pic.twitter.com/5PweU95UxT
— Ambrey Intelligence (@Ambrey_Intel) February 26, 2021
მანამდე ისრაელის მედიასაშუალებები იუწყებოდნენ, რომ კომპანია Helios Ray Ltd-ს კუთვნილ ხომალდზე აფეთქებისას, რომელსაც ავტოსატრანსპორტო საშუალებები გადაჰქონდა, არავინ დაშავებულა. რა გახდა აფეთქების მიზეზი, არ არის დაკონკრეტებული.
„ეს ნამდვილად ირანის ჩადენილია, ეს აშკარაა“, — განაცხადა ნათანიაჰუმ.
მისი თმით, „ირანი ისრაელის ყველაზე დიდი მტერია“. პრემიერმა ხაზი გაუსვა, თუ რაოდენ მნიშვნელოვანია, რომ თეირანმა ბირთვული იარაღი არ მიიღოს — „გარიგებით თუ გარიგების გარეშე“.
„ამის შესახებ [აშშ-ის პრეზიდენტ] ჯო ბაიდენსაც ვუთხარი“, — აღნიშნა ქვეყნის პრემიერ-მინისტრმა.
მანამდე ისრაელის ხომალდზე შეტევაში ასევე ირანი დაადანაშაულა ისრაელის თავდაცვის მინისტრმა ბენი ჰანცმა. მისი თქმით, დაზვერვამ და ანალიტიკოსებმა ყველაფერი უნდა გაარკვიონ, ვინაიდან აშკარაა, რომ აფეთქება შემთხვევით არ მომხდარა.