თბილისი, 26 თებერვალი — Sputnik. აშშ-ის გამოძიების ფედერალურმა ბიურომ დიდი ფულადი ჯილდო დააწესა ძებნაში მყოფი კონსტანტინ კილიმნიკის შესახებ ინფორმაციისთვის, რომელიც რუსეთის მოქალაქეა, ნათქვამია უწყების საიტზე.
ამის შესახებ განცხადება FBI-ს ტვიტერ–აკაუნტზეც ქვეყნდება.
„გამოძიების ფედერალური ბიურო 250 ათას დოლარს აწესებს ჯილდოდ ინფორმაციისთვის, რომელიც კილიმნიკის მოძებნაში დაგვეხმარება“, — ნათქვამია განცხადებაში.
Additionally, Konstantin Viktorovich Kilimnik is also wanted by the #FBI for obstruction of justice & engaging in a conspiracy to obstruct justice btwn Feb 2018 & April 2018. https://t.co/Akip5hlcjC pic.twitter.com/yBSOGa7U6E
— FBI Washington Field (@FBIWFO) February 25, 2021
საბრალდებო დასკვნის თანახმად, რუსეთის მოქალაქე მოსყიდვის გზით ცდილობდა ჩარეულიყო ოფიციალურ სასამართლო განხილვებში, რაც აშშ-ის არჩევნებში სავარაუდო გარე ჩარევას შეეხებოდა.
- „კილიმნიკი მეკავშირედ მუშაობდა უკრაინელ და რუს პოლიტიკოსებსა და ბიზნესმენებთან. გარდა ამისა, ის ასევე იძებნება შეთქმულებაში მონაწილეობისთვის, რომლის მიზანიც მართლმსაჯულებისთვის ხელის შეშლა იყო“, — აცხადებს FBI.
აშშ-ის ხელისუფლებამ რუსეთი 2016 წელს დაადანაშაულა საპრეზიდენტო არჩევნებში ჩარევაში, რაც მოსკოვმა არაერთხელ უარყო. ამერიკული სპეცსამსახურები, „რუსეთთან ტრამპის კავშირების“ შესახებ დაუდასტურებელი მოხსენების საფუძველზე, დონალდ ტრამპის შტაბის თანამშრომლებს უთვალთვალებდნენ. საბოლოოდ „რუსული საქმე“ გამოსაძიებლად სპეცპროკურორ რობერტ მიულერს გადაეცა, რომელმაც „ტრამპის რუსეთთან შეთქმულების“ მტკიცებულებები ვერ აღმოაჩინა.
