ნიუ-იორკის სასამართლომ უარი თქვა ტრამპის წინააღმდეგ პორნომსახიობის სარჩელის განხილვაზე

© AFP 2024 / Eric Thayer/Getty Imagesდონალდ და მელანია ტრამპები
დონალდ და მელანია ტრამპები - Sputnik საქართველო, 1920, 23.02.2021
გამოწერა
პორნომსახიობი შეერთებული შტატების ყოფილ პრეზიდენტს, რომელმაც ის სიცრუეში დაადანაშაულა, ცილისწამებაში სდებდა ბრალს.

თბილისი, 23 თებერვალი — Sputnik. აშშ-ის უმაღლესმა სასამართლომ უარი თქვა ყოფილი მოდელისა და პორნომსახიობის სტორმი დენიელსის სარჩელის განხილვაზე ექს-პრეზიდენტ დონალდ ტრამპის წინააღმდეგ, იუწყება New York Post.

​სტორმი დენიელსი, რომლის ნამდვილი სახელია სტეფანი კლიფორდი, საზოგადოების ყურადღების ცენტრში 2018 წელს მოექცა, როდესაც გამოცემა Wall Street Journal-მა წყაროზე დაყრდნობით დაწერა, რომ პრეზიდენტის პოსტზე ტრამპის კანდიდატურის წამოყენებამდე ცოტა ხნით ადრე მისმა ადვოკატმა მაიკლ კოენმა მსახიობს 130 ათასი დოლარი გადაუხადა, რათა პრეზიდენტთან კავშირის შესახებ ცნობები არ გაევრცელებინა. თეთრმა სახლმა აღნიშნული ინფორმაცია უარყო.

მოგვიანებით, როდესაც დენიელსმა მედიასაშუალებებს აცნობა, რომ უცნობი მამაკაცი მას და მის შვილს ტრამპთან კავშირის შესახებ ინფორმაციის გახმაურებით ემუქრებოდა, პრეზიდენტმა ის სიცრუეში დაადანაშაულა. ამაზე პასუხად მსახიობმა სასამართლოს მიმართა საჩივრით, რომ დონალდ ტრამპი ცილს სწამებდა მას, მაგრამ ნიუ-იორკის სასამართლომ უარი თქვა სარჩელის განხილვაზე.

ამასთან, სასამართლოს არ დაუკონკრეტებია, რა მიზეზით არ განიხილა საქმე.

ყველა ახალი ამბავი
0