თბილისი, 16 თებერვალი – Sputnik. ვაჭრობის მსოფლიო ორგანიზაციის (WTO) ახალ გენერალურ დირექტორად ნიგერიელი ეკონომისტი ნგოზი ოკონჯო-ივეალა დაინიშნა. ამის შესახებ WTO-ს პრეს-სამსახური იუწყება.
„ნგოზი ოკონჯო-ივეალა ვაჭრობის მსოფლიო ორგანიზაციის გენერალურ დირექტორად დაინიშნა. დოქტორი ოკონჯო-ივეალა ისტორიაში შევიდა როგორც პირველი აფრიკელი ქალი, რომელიც WTO-ს ჩაუდგა სათავეში“, – ნათქვამია ორგანიზაციის განცხადებაში, რომელიც Twitter-ში გამოქვეყნდა.
BREAKING: Ngozi Okonjo-Iweala from Nigeria is appointed as the next WTO Director-General.
— WTO (@wto) February 15, 2021
Dr. Okonjo-Iweala makes history as the first woman and the first African to lead the WTO.
Her term starts on the 1st of March 2021.
More details soon. #WTODG@NOIweala pic.twitter.com/2RJkkfK2Id
აღნიშნულია, რომ ის თავისი უფლებამოსილების შესრულებას მიმდინარე წლის 1 მარტიდან შეუდგება.
ოკონჯო-ივეალამ ამ პოსტზე ბრაზილიელი რობერტუ აზევენდუ შეცვალა, რომელიც ორგანიზაციას 2013 წლიდან ხელმძღვანელობდა.
ეკონომისტი ნგოზი ოკონჯო-ივეალა დაიბადა 1954 წელს ნიგერიის შტატ დელტაში. მისი მშობლები იბადანის უნივერსიტეტის პროფესორები იყვნენ. 1976 წელს მან წარჩინებით დაამთავრა ჰარვარდის უნივერსიტეტი, ხოლო 1981 წელს სადოქტორო დისერტაცია დაიცვა.
1982-2003 წლებში მსოფლიო ბანკში სხვადასხვა პოსტებს იკავებდა, სამი წლის განმავლობაში მსოფლიო ბანკის მმართველი დირექტორი იყო. ოკონჯო-ივეალა არაერთხელ მოხვდა ჟურნალ Forbes-ის სიაში „100 ყველაზე გავლენიანი ქალი მსოფლიოში“.