თბილისი, 25 იანვარი — Sputnik. აშშ-ის ექს-პრეზიდენტმა დონალდ ტრამპმა გადაიფიქრა ქვეყანაში მესამე ძლიერი პოლიტიკური პარტიის შექმნა, რომელიც დემოკრატებსაც გაუწევდა კონკურენციას და რესპუბლიკელებსაც, იუწყება ტელეარხი Fox News.
მანამდე გავრცელდა ინფორმაცია, რომ დონალდ ტრამპმა თავის მომხრეებთან ახალი პარტიის შექმნის იდეა განიხილა, რომლისთვისაც სახელად „პატრიოტული პარტიის“ დარქმევას აპირებდა.
ტრამპის შტაბის მრჩევლის ჯეისონ მილერის თქმით, ყოფილმა პრეზიდენტმა „ნათლად მიანიშნა“, რომ საკუთარ ძალებს რესპუბლიკელების დახმარებისკენ მიმართავს წარმომადგენელთა პალატასა და სენატში 2022 წლის არჩევნებზე.
თავის მხრივ, გაზეთ New York Times-ის კორესპონდენტი მეგი ჰებერმანი საკუთარ Twitter-ზე წერს, რომ ტრამპს იდეა გადააფიქრებინეს.
In last 24 hours, after floating through a few folks that he was considering creating a third-party as a way to keep Senate Rs in line ahead of impeachment, Trump has been talked out of that and is making clear to people he isn't pursuing it, per ppl familiar w his thinking.
— Maggie Haberman (@maggieNYT) January 24, 2021
როგორც პოლიტოლოგები აღნიშნავენ, ახალი პარტიის დაარსებით ტრამპს შეუძლია ზიანი მიაყენოს რესპუბლიკურ პარტიას, რომლის გარკვეულ წევრებთან უთანხმოება ჰქონდა მას შემდეგ, რაც რამდენიმე მათგანმა განაცხადა, რომ პრეზიდენტმა ხალხს 6 იანვრის არეულობისკენ უბიძგა, რა დროსაც ტრამპის მომხრეები კაპიტოლიუმში შეიჭრნენ და შეეცადნენ ხელი შეეშალათ 3 ნოემბრის საპრეზიდენტო არჩევნების შედეგების დამტკიცებისთვის. აღნიშნული არეულობების შედეგად რამდენიმე ადამიანი დაიღუპა.
