თბილისი, 18 იანვარი — Sputnik. თურქეთი და აზერბაიჯანი 1-დან 12 თებერვლამდე ერთობლივ სამხედრო სწავლებებს ჩაატარებენ, იუწყება „Sputnik–აზერბაიჯანი“.
გავრცელებული ინფორმაციით, აზერბაიჯანელი სამხედროები, რომლებიც მონაწილეობას მიიღებენ ერთობლივ თურქულ–აზერბაიჯანულ წვრთნებში „ზამთარი–2021“, უკვე გაემგზავრნენ ყარსში.
1️⃣ 01-12 Şubat 2021 tarihleri arasında Kardeş Azerbaycan ile müşterek icra edeceğimiz “Kış-2021 Türkiye-Azerbaycan Birleşik Müşterek Tabur Görev Kuvveti Tatbikatı” için #Azerbaycan Ordusuna mensup kardeşlerimiz Kars’a geldi.🇹🇷🇦🇿https://t.co/kEGM78qIvR pic.twitter.com/j7acbpl0dW
— T.C. Millî Savunma Bakanlığı (@tcsavunma) January 17, 2021
აღსანიშნავია, რომ ორი ქვეყნის ერთობლივი ფართომასშტაბიანი ტაქტიკური და საფრენ–ტაქტიკური სწავლება საბრძოლო სროლებით, რომელშიც აზერბაიჯანისა და თურქეთის სახმელეთო ჯარები და სამხედრო–საჰაერო ძალები მონაწილეობდნენ, ბოლოს 2020 წლის აგვისტოში ჩატარდა.
წვრთნებში ჩართული იყო ორივე ქვეყნის არმიების პირადი შემადგენლობა, ჯავშანტექნიკა, საარტილერიო დანადგარები და ნაღმმტყორცნები, ასევე ავიაცია და ჰაერსაწინააღმდეგო თავდაცვის საშუალებები.