მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ავიაკატასტროფა ინდონეზიაში – ბოლო ცნობები

© photo: AFP 2020 / DIBYANGSHU SARKARთვითმფრინავი ცაში
თვითმფრინავი ცაში - Sputnik საქართველო
გამოწერა
ოპერაციის ჩატარებას ართულებს ის, რომ ღამეა და ცუდი ხილვადობაა, თუმცა, ამის მიუხედავად, საძიებო სამუშაოები გრძელდება

თბილისი, 9 იანვარი – Sputnik. ჯაკარტასთან ახლოს ჩამოვარდნილი კომპანია Sriwijaya Air–ის თვითმფრინავი ავარიულ სიგნალს არ გადმოსცემდა, იუწყება სააგენტო Antara ინდონეზიის საძიებო–სამაშველო სამმართველოს ოპერაციებისა და მზადყოფნის განყოფილების ხელმძღვანელის მოადგილე ბამბანგ სურიო აჯის ინფორმაციაზე დაყრდნობით.

„უნდა დავადგინოთ, რატომ არ გადმოსცემდა სიგნალს... სიგნალი არც ავსტრალიას არ მიუღია. ამიტომ საძიებო–სამაშველო სამმართველო ჯერ კიდევ ცდილობს გამოარკვიოს, რატომ არ გადმოსცა რადარებმა სიგნალი“, – განაცხადა მან.

უფრო ადრე ინდონეზიის ტრანსპორტის მინისტრმა კარია სუმადიმ დაადასტურა, რომ Sriwijaya Air–ის თვითმფრინავი ჯაკარტასთან ახლოს წყალში ჩავარდა.

თვითმფრინავი - Sputnik საქართველო
ინდონეზიაში თვითმფრინავი ჩამოვარდა

ავიაკომპანიის მონაცემებით, ბორტზე 62 ადამიანი იმყოფებოდა – თვითმფრინავის მგზავრები და ეკიპაჟის წევრები. წინასწარი მონაცემებით, როგორც მასმედიის საშუალებები იტყობინებიან, ნაპოვნია ლაინერის ნამსხვრევები და ცხედრების ნაწილები.

ინდონეზიის სამხედრო–საჰაერო ძალებმა საძიებო ოპერაციის დასახმარებლად ორი ვერტმფრენი და თვითმფრინავი მოამზადეს.

ოპერაციის ჩატარებას ცუდი ხილვადობა უშლის ხელს. „ჩვენი თანამშრომლები შემთხვევის ადგილზე იმყოფებიან. მათ თვითმფრინავის რამდენიმე ნამსხვრევი9 იპოვეს. დაბრკოლებაა ცუდი ხილვადობა, რადგან ღამეა“, – განაცხადა ერთ–ერთი ქვედანაყოფის ხელმძღვანელის მოადგილემ და დასძინა, რომ, მიუხედავად სირთულისა, საძიებო სამუშაოები მაინც გრძელდება.

ყველა ახალი ამბავი
0