ეუთომ ვაშინგტონს დემოკრატიული პროცესის პატივისცემისკენ მოუწოდა

© REUTERS / JACK GRUBER/USA TODAYკაპიტოლიუმის შტურმი
კაპიტოლიუმის შტურმი - Sputnik საქართველო
გამოწერა
მოქმედი პრეზიდენტის დონალდ ტრამპის მხარდამჭერები ვაშინგტონში შეიჭრნენ კაპიტოლიუმში, შემდეგ – სენატის დარბაზში.

თბილისი, 7 იანვარი – Sputnik. ეუთოს მოქმედმა თავმჯდომარემ, შვედეთის საგარეო საქმეთა მინისტრმა ან ლინდემ და ორგანიზაციის გენერალურმა მდივანმა ჰელგა შმიდმა აშშ-ს ვაშინგტონში წესრიგისკენ მშვიდობიანი დაბრუნებისა და დემოკრატიული პროცესის პატივისცემისკენ მოუწოდეს, იუწყება ხუთშაბათს ეუთოს პრეს-სამსახური.

„საჭიროა დემოკრატიული არჩევნების შედეგების, ასევე კონსტიტუციური პრინციპების პატივისცემა“, – განაცხადა ლინდემ.

„შეშფოთებული ვარ ამ თავდასხმით დემოკრატიულ ინსტიტუტებსა და პრინციპებზე, რომელსაც დღეს ვაშინგტონში ვხედავთ“, – ციტირებს შმიდს ეუთოს პრეს-სამსახური.

კაპიტოლიუმის შტურმი - Sputnik საქართველო
არეულობა ვაშინგტონში: დაიღუპა ოთხი ადამიანი

მათ დაადასტურეს თავიანთი კომენტარი და OSCE/ODIHR-ის სადამკვირვებლო მისიის შეშფოთება, რომელიც აშშ-ში ნოემბერში ჩატარებულ საპრეზიდენტო არჩევნებს აკვირდებოდა.

ოთხშაბათს აშშ-ის მოქმედი პრეზიდენტის დონალდ ტრამპის მომხრეებმა, რომლებიც ვაშინგტონში მის მხარდასაჭერ დემონსტრაციაზე შეიკრიბნენ, კონგრესის შენობაზე შტურმი მიიტანეს და შეაწყვეტინეს სხდომა, რომელზეც საპრეზიდენტო არჩევნების შედეგების დამტკიცება უნდა მომხდარიყო. სამართალდამცველებმა ცრემლსადენი გაზი გამოიყენეს.

კენჭისყრის შედეგების მიხედვით არჩეულ პრეზიდენტად დემოკრატი ჯო ბაიდენი მიიჩნევა, მაგრამ ტრამპი დამარცხებას არ აღიარებს.

ყველა ახალი ამბავი
0