მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ეჭვების დასაძლევად: ექს-პრეზიდენტი COVID-19-ზე საჯაროდ აცრას აპირებს

© photo: Sputnik / Vladimir Pesnya / გადასვლა მედიაბანკშივაქცინაცია
ვაქცინაცია - Sputnik საქართველო
გამოწერა
ყოფილმა პრეზიდენტმა შეახსენა საზოგადოებას, რომ სწორედ ვაქცინაციით გახდა შესაძლებელი მომაკვდინებელი ინფექციური დაავადებების დამარცხება.

თბილისი, 3 დეკემბერი — Sputnik. მზად ვარ საჯაროდ ავიცრა კორონავირუსზე, რათა დავეხმარო საზოგადოებას, დაძლიოს ეჭვები ვაქცინაციის შესახებ, განაცხადა აშშ-ის ექს-პრეზიდენტმა ბარაკ ობამამ.

„შემიძლია ეს ტელევიზიით ვაჩვენო ან კამერით გადავიღო, რათა ადამიანებმა იცოდნენ, რომ მე ვენდობი მეცნიერებას“, — განაცხადა ყოფილმა პრეზიდენტმა რადიო SiriusXM-თან ინტერვიუში.
COVID-19-ის ვაქცინის ნიმუშები - Sputnik საქართველო
აშშ კოვიდ-ვაქცინის 3 ათას ბავშვზე გამოცდას იწყებს

ობამას თქმით, ის სრულად ენდობა ისეთ ამერიკელ მეცნიერებს, როგორიცა ქვეყნის მთავარი ინფექციონისტი ენტონი ფაუჩი.

„თუ ენტონი ფაუჩი მეტყვის, რომ ეს ვაქცინა უსაფრთხოა და შემიძლია ავიცრა, მე აუცილებლად ასეც მოვიქცევი“, — თქვა ბარაკ ობამამ.

ყოფილმა პრეზიდენტმა განმარტა, რომ არსებობენ სკეპტიკოსები, რომლებიც ვაქცინებს არ ენდობიან. თუმცა იქვე შეახსენა ასეთებს, რომ სწორედ ვაქცინაციით გახდა შესაძლებელი პოლიომიელიტის დამარცხება და ასევე მასობრივი სიკვდილიანობის აღმოფხვრა საშიში ინფექციური დაავადებების — წითელასა და ყვავილის შემთხვევაში.

 

ყველა ახალი ამბავი
0