თბილისი, 30 ნოემბერი ― Sputnik. ქალს, რომელიც ორსულობის დროს კორონავირუსით დაინფიცირდა, COVID-19-სადმი ანტისხეულების მქონე ბიჭუნა შეეძინა, იუწყება გაზეთი Straits Times.
გავრცელებული ინფორმაციით, სინგაპურელ ქალს კორონავირუსი ორსულობის მეათე კვირას დაუდასტურდა. დაავადება მან მსუბუქად გადაიტანა და საავადმყოფოდან დაახლოებით ორ კვირაში გაწერეს. მშობიარობის შემდეგ კი ახალშობილს, რომელსაც ოლდრინი დაარქვეს, ექიმებმა COVID-19-ის მიმართ იმუნიტეტი აღმოუჩინეს.
„ეს ძალიან საინტერესოა. პედიატრმა თქვა, რომ კოვიდისადმი ჩემი ანტისხეულები გაქრა, მაგრამ ოლდრინს ისინი აქვს. ჩემი ექიმი ფიქრობს, რომ ისინი მე გადავეცი შვილს ორსულობის დროს“, ― ამბობს ქალი.
როგორც ირკვევა, ეს პირველი შემთხვევა არ არის ქვეყანაში, როცა ორსულობაში კორონავირუსით ინფიცირებული ქალი COVID-19-სადმი ანტისხეულების მქონე ბავშვს აჩენს.
ამასთან მეცნიერები აღნიშნავენ, რომ კორონავირუსის დედისგან შვილზე გადაცემის შესაძლებლობა დღეისათვის დადასტურებული არ არის.