Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

დასახელდა COVID-19-ის ოთხი ადრეული სიმპტომი

© AP Photo / Brian Ingangaმედიკოსი ეხმარება პაციენტს
მედიკოსი ეხმარება პაციენტს - Sputnik საქართველო
გამოწერა
ჩამოთვლილ სიმპტომებს კორონავირუსით ინფიცირებული ყოველი მეხუთე პაციენტი განიცდის, აცხადებენ მკვლევარები

თბილისი, 19 ნოემბერი – Sputnik. უმადობა, გულისრევის შეგრძნება, პირღებინება და ტკივილი კუჭის არეში ახალი ტიპის კორონავირუსის ადრეული სიმპტომი შეიძლება იყოს, ასეთ დასკვნამდე მივიდნენ ბრიტანელი და კანადელი ექიმები, წერს Express.

თენგიზ ცერცვაძე - Sputnik საქართველო
თენგიზ ცერცვაძე საავადმყოფოში გადაიყვანეს

სპეციალისტების კვლევების თანახმად, COVID-19-ით ინფიცირებული ყოველი მეხუთე პაციენტი კუჭთან დაკავშირებულ დისკომფორტს განიცდის.

„ეს სიმპტომები მაინცდამაინც არ ნიშნავს, რომ პაციენტს COVID-19 აქვს", - აცხადებს მეცნიერი, ექიმი ალბერტას უნივერსიტეტიდან მიტჩ უილსონი.

ამასთან ერთად ის ყველას ურჩევს ყურადღება მიაქციოს ამ სიმპტომებს და მედიკოსებს მიმართონ.

ამასთან, ექიმმა დაიანა გალმა განაცხადა, რომ დიარეა ასევე წარმოადგენს კორონავირუსით ინფიცირების ერთ-ერთ ადრეულ სიმპტომს.

კიდევ ერთი სიმპტომია კონიუნქტივიტი. ამას ამტკიცებს ოფტალმოლოგიის ამერიკული აკადემია. ეს სიმპტომი იშვიათად - დაახლოებით შემთხვევების სამ პროცენტში ვლინდება.

„ვირუსი შეიძლება ვრცელდებოდეს ინფიცირებულის თვალის სითხესთან ან იმ საგნებთან შეხებისას, რომებშიც არის ეს სითხე“, - განმარტეს ამერიკელმა  სპეციალისტებმა.

ბრიტანული კომპანია  AstraZeneca-ს ვაქცინა - Sputnik საქართველო
როდის მიიღებს საქართველო COVID-19-ის საწინააღმდეგო ვაქცინას: ოპტიმისტური პროგნოზი

საინტერესოა, რომ კორონავირუსის მესამე ადრეული სიმპტომია - გონების აღრევა. ლონდონის იმპერიული კოლეჯის მეცნიერები მიიჩნევენ, რომ ეს სიმპტომი შეიძლება გაგრძელდეს გამოჯანმრთელებიდან რამდენიმე თვის განმავლობაში და კოგნიტური შედეგების რიცხვს განეკუთვნება.

აღსანიშნავია, რომ კვლევის ფარგლებში ბრიტანელებმა დაამტკიცეს, რომ ტვინის დაზიანება სხვადასხვა დონეზე იმისდა მიხედვით ვითარდება, რამდენად სერიოზული იყო დაავადება.

და ბოლო სიმპტომი - ძლიერი დაღლილობა. დუბლინში მდებარე ტრინიტის კოლეჯის მკვლევარებმა დაადგინეს, რომ ის კორონავორუსით ინფიცირებულ ყოველ მეორე პაციენტს აღენიშნება და ათ კვირამდე შეიძლება შენარჩუნდეს.

ყველა ახალი ამბავი
0