მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

საფრთხე ახლოსაა: მაკრონმა საფრანგეთის საზღვრების კონტროლი გააძლიერა

© AP Photo / Roman Koksarovემანუელ მაკრონი
ემანუელ მაკრონი - Sputnik საქართველო
გამოწერა
შენგენის ზონაში 26 ქვეყანა შედის, რომლებსაც შიდა სასაზღვრო კონტროლი გაუქმებული აქვთ. ეს 4,3 მლნ კვადრატული კილომეტრი ტერიტორიაა 400 მლნ მცხოვრებით.

თბილისი, 5 ნოემბერი — Sputnik. საფრანგეთის პრეზიდენტის ემანუელ მაკრონის განცხადებით, შენგენის ზონის საზღვრებზე, გაზრდილი ტერორისტული საფრთხეების გამო, კონტროლი გაძლიერდა.

„ჩვენ გადავწყვიტეთ გავაორმაგოთ იმ ძალების რაოდენობა, რომლებიც საზღვრებზეა განთავსებული კონტროლის ფარგლებში – პოლიციელების, ჟანდარმებისა და სამხედროების რაოდენობა 2400-დან 4800-მდე გაიზრდება“, — განაცხადა ესპანეთთან საზღვარზე მყოფმა საფრანგეთის ლიდერმა.

აღსანიშნავია, რომ შენგენის ზონაში 26 ქვეყანა შედის, რომლებსაც შიდა სასაზღვრო კონტროლი გაუქმებული აქვთ. ეს 4,3 მლნ კვადრატული კილომეტრი ტერიტორიაა, რომელზეც 400 მლნ ადამიანი ცხოვრობს.

ორშაბათს საღამოს უცნობებმა ავსტრიის დედაქალაქში თავდასხმა განახორციელეს - Sputnik საქართველო
შეიარაღებული ტერორისტების შეტევა ვენაზე - ფოტო

პარიზის მახლობლად მასწავლებელ სამუელ პატის მკვლელობის შემდეგ, 29 ოქტომბერს, როდესაც მუსლიმები წინასწარმეტყველ მუჰამედის დაბადების დღეს ზეიმობენ, საფრანგეთში თავდასხმების სერია მოხდა. ჯერ ტუნისელი იბრაჰიმ ალ-აუისაუი დაესხა თავს ადამიანებს ნიცაში, რა დროსაც სამი მათგანი დაიღუპა და რამდენიმე დაშავდა, შემდეგ კი ავინიონში ისლამისტმა ახალგაზრდამ სცადა პოლიციელების დახოცვა, თუმცა სამართალდამცველებმა ის მოკლეს. თითქმის იმავდროულად ჯიდაში დააკავეს საუდის არაბეთის მოქალაქე, რომელიც საფრანგეთის საკონსულოს დაცვის წევრს დაესხა თავს. გარდა ამისა, მუსლიმებმა საფრანგეთის სახელმწიფო დროშა ჩამოხიეს ნიქოზიაში მდებარე საელჩოდან. საფრანგეთის ხელისუფლებამ ტერორიზმთან ბრძოლის გეგმა აამოქმედა, რაშიც მას ბევრმა ევროპულმა სახელმწიფომ დაუჭირა მხარი, მათ შორის – ავსტრიამ, რომლის დედაქალაქ ვენაშიც 2 ნოემბერს რადიკალმა ისლამისტებმა ერთბაშად რამდენიმე თავდასხმა მოაწყვეს და ოთხი ადამიანი მოკლეს.

 

ყველა ახალი ამბავი
0