გერმანია მზად არ არის ტრამპის გამარჯვებისთვის: განცხადება ბუნდესტაგში

თბილისი, 4 ნოემბერი — Sputnik. გერმანია მზად არ არის აშშ-ში დონალდ ტრამპის კიდევ ოთხი წლით პრეზიდენტობისთვის, განაცხადა ბუნდესტაგის საგარეო პოლიტიკის კომიტეტის თავმჯდომარემ ნორბერტ რეტგენმა.

მისი თქმით, საპრეზიდენტო არჩევნებში აშშ-ის მოქმედი პრეზიდენტის გამარჯვება გერმანიის ფედერაციისთვის სერიოზული გამოწვევა იქნება.

„გერმანიას არ აქვს განწყობა, რომ კიდევ ოთხი წელი იმუშაოს ტრამპთან. არჩევნებში მისი მეორედ გამარჯვება ჩვენთვის გახდება სერიზული გამოწვევა, რომლისთვისაც გერმანია მზად არ არის“, — დაწერა რეტგენმა საკუთარ Twitter-აკაუნტზე.

პოლიტიკოსის განმარტებით, მანამდე გამოკითხვები დემოკრატი ჯო ბაიდენის გამარჯვებას პროგნოზირებდა, მაგრამ ახლა „ეს სცენარი აქტუალური აღარ არის და შანსები 50/50-ზეა“.  

• „ეს სიურპრიზია“, — დაამატა ბუნდესტაგის დეპუტატმა.

აშშ-ში საარჩევნო სისტემა ორი საფეხურისგან შედგება — მოქალაქეები სახელმწიფოს მეთაურს პირდაპირ კი არ აძლევენ ხმას, არამედ თავდაპირველად კენჭს უყრიან ამომრჩეველთა კოლეგიას, რომლებიც შემდეგ თავიანთი კანდიდატის სასარგებლოდ აძლევენ ხმას. კანდიდატის გამარჯვებისთვის ამომრჩეველთა კოლეგიის 270 ხმაა საჭირო.