მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ერდოღანი: ისლამოფობია ანტისემიტიზმს უნდა გაუთანაბრდეს

© AP Photo / Burhan Ozbiliciრეჯეფ ერდოღანი
რეჯეფ ერდოღანი - Sputnik საქართველო
გამოწერა
მანამდე ერდოღანმა მაკრონს, რომელმაც „განათლებული ისლამის“ იდეა წამოაყენა, ურჩია „ფსიქიკისთვის ემკურნალა“, რის შემდეგაც პარიზმა ანკარიდან თავისი ელჩი გაიწვია.

თბილისი, 2 ნოემბერი — Sputnik. ისლამის მტრობასთან ბრძოლა ისევე უნდა იწარმოებოდეს, როგორც ჰოლოკოსტის შემდეგ ანტისემიტიზმის წინააღმდეგ ბრძოლა, განაცხადა თურქეთის პრეზიდენტმა რეჯეფ ერდოღანმა.

შემთხვევის ადგილი - Sputnik საქართველო
მაკრონმა ნიცაში მომხდარი თავდასხმის შემდეგ მოსახლეობას მიმართა
„მუსლიმები ევროპაში სისტემატურად განიცდიან დისკრიმინაციას, მათი უფლებები და თავისუფლებები ირღვევა. ეს არასწორი მიდგომაა, რომელიც კაცობრიობის მომავალს, სხვადასხვა აღმსარებლობათა თანაცხოვრების კულტურას ემუქრება. როგორც ანტისემიტიზმს ებრძოდნენ ჰოლოკოსტის შემდეგ, ისე უნდა ვებრძოლოდ დღეს ისლამის მტრობას“, — განაცხადა ერდოღანმა ვიდეოკონფერენციაზე სახელწოდებით „გენოციდი: სრებრენიციდან გამოტანილი გაკვეთილები“.

საფრანგეთში ისტორიის მასწავლებელ სამუელ პატის მკვლელობისა და ქვეყნის რამდენიმე ქალაქში მოქალაქეებზე თავდასხმა–მკვლელობის შემდეგ პრეზიდენტ ემანუელ მაკრონმა განაცხადა, რომ საფრანგეთი უარს არ იტყვის წინასწარმეტყველ მუჰამედის კარიკატურების გამოქვეყნებაზე. შედეგად – მთელ რიგ მუსლიმურ ქვეყნებში გაისმა მოწოდებები, გამოუცხადონ ბოიკოტი ფრანგულ პროდუქციას. 

პრეზიდენტმა ერდოღანმა ასევე მოუწოდა საკუთარი ქვეყნის მოსახლეობას, უარი თქვან ფრანგული ნაწარმის შეძენაზე ორ ქვეყანას შორის ურთიერთობების გამწვავების ფონზე. მანამდე ერდოღანმა კოლეგა მაკრონს, რომელმაც „განათლებული ისლამის“ იდეა წამოაყენა, ურჩია „ფსიქიკას უმკურნალოს“. ამ განცხადების შემდეგ პარიზმა ანკარიდან თავისი ელჩი გაიწვია – „კონსულტაციისთვის“.

ყველა ახალი ამბავი
0