მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ტრამპმა ლტოლვილების ლიმიტი რეკორდულად შეამცირა: რამდენ კაცს მიიღებს აშშ მომავალ წელს

© AFP 2024 / Saul Loebდონალდ ტრამპი
დონალდ ტრამპი - Sputnik საქართველო
გამოწერა
შეერთებულ შტატებში ლტოლვილების მიღების ლიმიტი ბარაკ ობამას პრეზიდენტობის პერიოდში წელიწადში 110 ათას კაცს აღწევდა.

თბილისი, 28 ოქტომბერი — Sputnik. აშშ-ის პრეზიდენტმა დონალდ ტრამპმა 2021 წლისთვის ლტოლვილების მიღების ლიმიტი რეკორდულად შეამცირა და 15 ათას ადამიანამდე დაიყვანა. შესაბამისი მემორანდუმი თეთრი სახლის პრეს-სამსახურმა გაავრცელა.

პრეზიდენტის ინაუგურაციისადმი მიძღვნილი აღლუმი აშშ-ში - Sputnik საქართველო
მოსალოდნელია პროტესტი: აშშ საპრეზიდენტო არჩევნების შემდეგ არეულობისთვის ემზადება
„2021 ფინანსური წლისთვის ლტოლვილების 15 ათასამდე შემცირება ეროვნული ინტერესების შესაბამისი ჰუმანიტარული და სხვა მოსაზრებებით არის განპირობებული“, — ნათქვამია დოკუმენტში.

გავრცელებული ინფორმაციით, აშშ ლტოლვილებს აღარ მიიღებს ისეთი ქვეყნებიდან, როგორებიცაა იემენი, სირია და სომალი. პრეზიდენტ ტრამპის თქმით, გამონაკლისი შეიძლება დაიშვას მხოლოდ იმ მოქალაქეებისთვის, „რომელთა მდგომარეობაც განსაკუთრებულ ჰუმანიტარულ შფოთვას იწვევს“.

იმის თაობაზე, რომ აშშ-ის ხელისუფლება მომავალი წლისთვის ლტოლვილების ლიმიტის შემცირებას აპირებდა, სახელმწიფო დეპარტამენტმა სექტემბრის ბოლოს გამოაცხადა. როგორც უწყების განცხადებაში იყო ნათქვამი, პრეზიდენტის ეს გადაწყვეტილება იმაზე მეტყველებს, რომ ქვეყნის ლიდერი „ამერიკელების უსაფრთხოებასა და კეთილდღეობაზე ზრუნავს“, განსაკუთრებით, COVID-19-ის პანდემიის ფონზე.

როგორც მაშინ ტელეარხი CNN იუწყებოდა, ლტოლვილების ახალი ლიმიტი ისტორიული მინიმუმია აშშ-სთვის, ვინაიდან ბარაკ ობამას პრეზიდენტობის პერიოდში ეს მაჩვენებელი წელიწადში 110 ათას კაცს აღწევდა.

 

ყველა ახალი ამბავი
0