თბილისი, 19 ოქტომბერი — Sputnik. მსოფლიომ ვერ შეძლო საკმარისი წინააღმდეგობა გაეწია კორონავირუსის პანდემიისთვის გათიშულობის გამო, განაცხადა გაეროს გენერალურმა მდივანმა ანტონიუ გუტერეშმა.
მისი თქმით, თუ მსოფლიო მოქმედებებს არ შეათანხმებს, მილიონობით ადამიანი სიღატაკეში აღმოჩნდება.
„COVID-19-ის პანდემია სერიოზული გლობალური პრობლემააა მთელი საერთაშორისო თანამეგობრობის, მულტიკულტურალიზმისა და ასევე ჩემთვის — როგორც გაეროს გენერალური მდივნისთვის. სამწუხაროდ, ამ ტესტს საერთაშორისო თანამეგობრობა ჯერჯერობით ვერ აბარებს“, — განაცხადა გუტერეშმა.
გენერალური მდივანი ხაზს უსვამს, რომ თუ კოორდინირებული ზომები არ გატარდება, „მიკროსკოპული ვირუსი მილიონობით ადამიანს მოისვრის სიღატაკესა და შიმშილში“. ეს კი, გუტერეშის აზრით, უახლოეს წლებში დამანგრეველ ეკონომიკურ შედეგებს გამოიწვევს.
გაეროს გენმდივანმა გააკრიტიკა მსოფლიოს ქვეყნები იმისთვისაც, რომ ისინი არც სხვა გლობალური გამოწვევების გადაჭრის საქმეში არიან ერთსულოვანი, კერძოდ, ავღანეთის, იემენისა და სირიის საკითხებში.
აღსანიშნავია, რომ ანტონიუ გუტერეში ჯერ კიდევ აპრილის ბოლოს აფრთხილებდა საერთაშორისო საზოგადოებას, რომ მსოფლიო შესაძლოა ბიბლიური მასშტაბის შიმშილს შეეჯახოს, თუ კვების პროდუქტების მიწოდების უსაფრთხოების უზრუნველსაყოფად დროული ღონისძიებები არ გატარდება.
