მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გერმანია ვიზიტორებს ახალ შეზღუდვებს უწესებს: ეხება თუ არა საქართველოს აკრძალვები

© AP Photo / Axel Heimkenავიაკომპანია Lufthansa-ს თვითმფრინავი
ავიაკომპანია  Lufthansa-ს თვითმფრინავი - Sputnik საქართველო
გამოწერა
გასულ კვირაში გერმანიის საგარეო საქმეთა სამინისტრომ მოუწოდა თავის მოქალაქეებს, თავი შეიკავონ საქართველოში მოგზაურობისგან, თუ ამის მწვავე აუცილებლობა არ არსებობს.

თბილისი, 1 ოქტომბერი — Sputnik. ბერლინმა გერმანიის ტერიტორიაზე შესასვლელად ნაწილობრივი ან სრული შეზღუდვები დაუწესა ევროპის 11 ქვეყანასა და მათ ცალკეულ რეგიონებს, იუწყება ტელე-რადიოკომპანია Deutsche Welle.

მარიამ ქვრივიშვილი - Sputnik საქართველო
„იმუშავე საქართველოდან“: უცხო ქვეყნის მოქალაქეების მოსაზიდად ახალი პროექტი დაიწყო

გარდა ამისა, გავრცელებული ინფორმაციით, ქვეყნის ხელისუფლებამ ახალი წესები დაამტკიცა კიდევ 160 ქვეყნის მოქალაქეებისთვის. გერმანიის ხელისუფლების მიერ გატარებული ზომების მიზანია ტურისტების ნაკადის შეზღუდვა მაღალი რისკის ქვეყნებიდან.

ცნობილი ხდება, რომ მაღალი რისკის ქვეყნების ჩამონათვალში შევიდნენ: დიდი ბრიტანეთი, ბელგია, ისლანდია, საფრანგეთის ორი რეგიონი, ლიეტუვა, ესტონეთი, ირლანდია, ხორვატია, სლოვენია, უნგრეთი და რუმინეთი.

მაღალი რისკის ჯგუფში შედის ქვეყანა ან რეგიონი, რომლებშიც ბოლო კვირის განმავლობაში 100 ათას მოსახლეზე კორონავირუსით ინფიცირების 50 შემთხვევა დარეგისტრირდა.

გარდა ამისა, ევროკავშირის არაწევრი თითოეული ქვეყნის შემთხვევები ინდივიდუალურად განიხილება.

აღსანიშნავია, რომ გასულ კვირაში გერმანიის საგარეო საქმეთა სამინისტრომ მოუწოდა თავის მოქალაქეებს, თავი შეიკავონ საქართველოში მოგზაურობისგან, თუ ამის მწვავე აუცილებლობა არ არსებობს. სამინისტროს განცხადებაში ნათქვამია, რომ საქართველო მცირედ დაზარალდა პანდემიისგან, მაგრამ სექტემბერში ინფიცირების მაჩვენებელმა რეკორდული ზრდა დაიწყო.

მანამდე საქართველო შეიყვანეს ევროკავშირის იმ არაწევრი ქვეყნების ჩამონათვალში, რომლებთანაც გერმანიამ ტურისტული „მწვანე დერეფანი“ გახსნა საყოველთაო კარანტინის შემდეგ.

 

ყველა ახალი ამბავი
0