Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

მსოფლიოს COVID-19-ის ვაქცინა არ ეყოფა: კომენტარი პლანეტის უმსხვილესი მწარმოებლისგან

© photo: Sputnik / Vladimir Pesnya / გადასვლა მედიაბანკშივაქცინაცია
ვაქცინაცია - Sputnik საქართველო
გამოწერა
Serum Institute of India — ვაქცინების უმსხვილესი მწარმოებელია მსოფლიოში. კომპანია ყოველწლიურად 1,5 მლრდ დოზა ვაქცინას ამზადებს 170-ზე მეტ ქვეყანაში გამოსაყენებლად.

თბილისი, 14 სექტემბერი — Sputnik. მსოფლიოში კორონავირუსული დაავადება COVID-19-ის საწინააღმდეგო ვაქცინის უკმარისობა, სულ ცოტა, 2024 წლის ბოლომდე შენარჩუნდება, მიაჩნია მსოფლიოში ვაქცინების უმსხვილესი მწარმოებელი კომპანია Serum Institute of India-ს ხელმძღვანელს ადარ პუნავალს, რომელმაც ინტერვიუ მისცა გაზეთ Financial Times-ს.

თენგიზ ცერცვაძე - Sputnik საქართველო
ცერცვაძე: საქართველო იქნება ერთ-ერთი პირველი, ვინც COVID-19-ის ვაქცინას მიიღებს

Serum Institute of India — ვაქცინების უმსხვილესი მწარმოებელია მსოფლიოში. კომპანია ყოველწლიურად 1,5 მლრდ დოზა ვაქცინას ამზადებს 170-ზე მეტ ქვეყანაში გამოსაყენებლად.

„გაივლის კიდევ ოთხი–ხუთი წელი, სანამ ვაქცინას პლანეტის ყველა მოსახლე მიიღებს“, — განაცხადა მან ინტერვიუში.

პუნავალის განმარტებით, ყველა ადამიანის ასაცრელად ვაქცინის 15 მლრდ დოზაა საჭირო.

„ვიცი, რომ მსოფლიოს სურს ოპტიმიზმით იყოს განწყობილი [ვაქცინის წარმოების მიმართ]... მაგრამ მე არ მსმენია, რომ დღეისათვის ვინმე თუნდაც ახლოს იყოს ამ მაჩვენებელთან“, — აღნიშნა ექსპერტმა.

მისი თქმით, ამ დროისათვის ვაქცინების მწარმოებელი კომპანიების ვალდებულებები ბევრად აჭარბებს მათ შესაძლებლობებს.

გამოცემის ინფორმაციით, Serum Institute of India COVID-19-ის ვაქცინის შემუშვებაზე ხუთ საერთაშორისო ფარმაცევტულ კომპანიასთან თანამშრომლობს, მათ შორის, AstraZeneca-სა და Novavax-თან. კომპანია აპირებს გამოუშვას ერთი მილიარდი დოზა ვაქცინა, რომლის ნახევარიც ინდოეთის მოსახლეობას მოხმარდება. ამასთან ინსტიტუტი შეიძლება გახდეს რუსეთის გამალეის ცენტრის პარტნიორიც ვაქცინა Sputnik V-ს წარმოებაში. 

ამ დროისათვის ინდოეთში კლინიკური გამოცდების მეორე ფაზას გადის COVID-19-ის საწინააღმდეგო სამი ვაქცინა: კომპანია Bharat Biotech-ის, Zydus Cadila-სა და ასევე ოქსფორდის უნივერსიტეტში შექმნილი ვაქცინა ChAdOx1. ამ უკანასკნელის გამოცდას სწორედ Serum Institute of India ატარებს 17 სამედიცინო ცენტრში.

 

ყველა ახალი ამბავი
0