თბილისი, 2 სექტემბერი — Sputnik. გერმანელმა ექს–სუპერმოდელმა, ტელეწამყვანმა და მსახიობმა ჰაიდი კლუმმა საკუთარ Instagram–გვერდზე გამოაქვეყნა ფოტო, რომელზეც ის სრულიად შიშველია აღბეჭდილი.
როგორც ირკვევა, ამ გზით მან დაბადების დღე მიულოცა თავის მეუღლეს — ჯგუფ Tokio Hotel–ის გიტარისტ ტომ კაულიტცს.
ფოტოზე 47 წლის ყოფილი სუპერმოდელი შიშველი დგას აივანზე პალმებისა და აუზის ფონზე, ხოლო მის უნაკლო სხეულს მხოლოდ გამჭვირვალე ფარდა ფარავს.
ფოტოს, რომლის კომენტარებიც დამალულია, ამ დროისათვის 147 ათასი მოწონება აქვს.
აღსანიშნავია, რომ ჰაიდი კლუმი და 31 წლის ტომ კაულიტცი 2019 წელს დაქორწინდნენ, თუმცა მანამდე ერთი წლის განმავლობაში ხვდებოდნენ ერთმანეთს.
