თბილისი, 22 აგვისტო – Sputnik. უცნობი ციური სხეულის ვარდნა დაფიქსირდა ტოკიოს რამდენიმე ადგილას და კანტოს რაიონის სხვა პრეფექტურებში, იუწყება გაზეთი Yomiuri.
ვარდნა დაფიქსირდა 21 აგვისტოს ადგილობრივი დროით 22:30 საათზე. კაშკაშა მანათობელმა მრგვალმა სხეულმა გადაკვეთა ცა მარცხნიდან მარჯვნივ და ჩაქრა დედამიწის ზედაპირთან ახლოს. მოვლენა დაფიქსირდა მოყვარულების მობილურ ტელეფონებზე, ავტომობილებზე დამონტაჟებულ რეგისტრატორებზე და საცხოვრებელ სახლებზე არსებულ ვიდეოკამერებზე ტოკიოს რამდენიმე რაიონში, მეზობელი პრეფექტურის (კანაგავას) რამდენიმე ქალაქში და მოშორებით მდებარე იამანასის პრეფექტურაშიც.
მეცნიერებს ჯერჯერობით მომხდარის ახსნა არ აქვთ, მაგრამ 2 ივლისს მომხდარ მოვლენასთან ანალოგიით (მაშინაც დაფიქსირდა მანათობელი ობიექტი, შემდეგ კი ტიბას პრეფექტურაში მეტეორიტის ფრაგმენტი იპოვეს) ფიქრობენ, რომ ამჟამინდელი მოვლენაც მეტეორიტის დაცემას შეიძლება უკავშირდებოდეს.