თბილისი, 21 აგვისტო – Sputnik. ამერიკელმა მეცნიერებმა შეძლეს ახალი ტიპის კორონავირუსით ხელახალი ინფიცირების მიზეზის დადგენა. მათი კვლევის შედეგების შესახებ წერს ჟურნალი Cell.
კორონავირუსს „ფეხები“ აქვს: მეცნიერებმა COVID-19-ით ინფიცირების მექანიზმი გამოავლინეს>>
მასაჩუსეტსის ზოგადი პროფილის საავადმყოფოს მკვლევარებმა გააანალიზეს სამედიცინო ისტორიები და შეისწავლეს COVID-19-ით გარდაცვლილი პაციენტების ელენთა და ლიმფური კვანძები.
მეცნიერებმა დაადგინეს, რომ მათში არ არის ჩანასახოვანი ცენტრები, რომლებიც მდგრადი იმუნური პასუხის განუყოფელი ნაწილია.
როგორც ექსპერტები განმარტავენ, COVID-19-ის რთული ფორმის დროს დიდი რაოდენობით სასიგნალო მოლეკულები – ციტოკინი TNF გამომუშავდება იმ ადგილებში, სადაც ჩვეულებრივ ჩანასახოვანი (ჰერმინატიული) ცენტრები ფორმირდება.
შედეგად, მეცნიერები იმ დასკვნამდე მივიდნენ, რომ ამ შემთხვევაში ზოგიერთი გამოჯანმრთელებული ადამიანი რამდენიმე თვის შემდეგ შეიძლება SARS-CoV-2-ით ისევ დაინფიცირდეს და, სამწუხაროდ, არა ერთხელ.
