თბილისი, 8 ივლისი — Sputnik. ვატიკანში 15 წლის მოზარდის კარლო აკუტისის კანონიზაცია, ანუ წმინდანის რანგში აყვანა სურთ, რომელიც 2006 წელს გარდაიცვალა ლეიკემიით, იუწყება NBC News.
გამოცემის ინფორმაციით, მიიჩნევა, რომ აკუტისმა სხვა მოზარდი განკურნა მომაკვდინებელი დაავადებისგან.
Italian teen moves closer to becoming 'patron saint of the internet' as miracle recognized https://t.co/7WZ9bK0TbU
— TheRightBlue (@therightblue) June 29, 2020
ცნობილი ხდება, რომ კარლო აკუტისი ლონდონში დაიბადა. დედის თქმით, ის ჩვეულებრივი ბიჭი იყო, რომელსაც ვიდეოთამაშები უყვარდა, თუმცა მას ასევე ჰქონდა „განსაკუთრებული სულიერი ცხოვრება ინტერნეტში“.
ირკვევა, რომ ყმაწვილმა დამოუკიდებლად ისწავლა პროგრამირება და შექმნა საიტი, რომელზეც მსოფლიო მასშტაბით მომხდარი ქრისტიანული სასწაულების კატალოგი განათავსა.
გარდა ამისა, კარლო გვერდში ედგა იმ თანატოლებს, რომლებიც დაცინვის მსხვერპლი ხდებოდნენ და ასევე ეხმარებოდა უსახლკაროებსა და მიუსაფრებს.
მოზარდის სახელი საყოველთაოდ ცნობილი 2013 წელს გახდა. გავრცელებული ინფორმაციით, ერთ-ერთმა ბრაზილიელმა სასულიერო პირმა სწორედ მას შესთხოვა კუჭქვეშა ჯირკვლის თანდაყოლილი დეფორმაციის მქონე, სერიოზულად დაავადებული ბიჭუნას გამოჯანმრთელება, რომლის მდგომარეობამაც ლოცვიდან სამი დღის შემდეგ დაიწყო გაუმჯობესება.
ამ დროისათვის კარლო აკუტისის წმინდანად შერაცხვის საკითხი ვატიკანში ბეატიფიკაციის (კანონიზაციის წინა ეტაპი) სტადიაზეა. თუ მას წმინდანად აღიარებენ, ის ინტერნეტის მფარველად გამოცხადდება.
