თბილისი, 8 ივლისი — Sputnik. დიდი ბრიტანეთის სამეფო კარის ბიოგრაფმა ტომ ქუინმა კემბრიჯის ჰერცოგინია კეიტ მიდლტონსა და სასექსის ჰერცოგინია მეგან მარკლს შორის კონფლიქტის ახალი დეტალები გაამჟღავნა, წერს Daily Mail.
Meghan Markle was 'very sensitive' about being 'number two' to Kate Middleton and clashed with palace staff https://t.co/1wEYv7AUwG
— Daily Mail U.K. (@DailyMailUK) July 6, 2020
ბიოგრაფის თქმით, პრინც ჰარის მეუღლემ რამდენიმე ხნის წინ სკანდალი მოაწყო იმის გამო, რომ ბუკინგემის სასახლის თანამშრომელმა მისი განკარგულება არ შეასრულა, რადგან ის უშუალოდ მიდლტონს ემსახურებოდა.
ქუინმა აღნიშნა, რომ ინციდენტმა მეგანის აღშფოთება გამოიწვია, რომელმაც თითქოს ყვირილი და ფეხების ბაკუნი დაიწყო. კეიტმა კი, რომელიც არასასიამოვნო სცენის მომსწრე გახდა, თავის თანამშრომელს დაუჭირა მხარი.
ამ შემთხვევას ქუინმა მეგან მარკლისთვის „ბოლო წვეთი“ უწოდა. მისი თქმით, სწორედ ამიტომ გადაწყვიტა სასექსის ჰერცოგინიამ სამეფო ოჯახის დატოვება.
მანამდე ბრიტანული მასმედია არაერთხელ იუწყებოდა მარკლსა და მიდლტონს შორის კონფლიქტზე, რამაც ასევე დაძაბა მათი მეუღლეების — პრინც ჰარისა და პრინც უილიამს შორის ურთიერთობაც.
2018 წელს გამოცემა The Sun-მა გაავრცელა ინფორმაცია, რომ ჰარიმ ძმა მეუღლესთან ურთიერთობის განადგურებაშიც კი დაადანაშაულა.
ამის შემდეგ ბრიტანეთის სამეფო ოჯახში მარკლის გამო კონფლიქტების შესახებ ჭორები რეგულარულად ჩნდებოდა.
ელისაბედ მეორემ მეგან მარკლს ნაჩუქარი სამკაულები წაართვა: ჯერი სამოსსა და ჩანთებზეა
მიმდინარე წლის 8 იანვარს პრინცმა ჰარიმ და მეგან მარკლმა განაცხადეს, რომ უარს ამბობდნენ სამეფო ოჯახის წევრების მოვალეობების შესრულებაზე. მათ მალევე მოიხსნეს უფლებამოსილება და ბრიტანეთი დატოვეს.