მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

საშინელი ტრაგედია მისინში: მდინარეში ერთდროულად რვა ბავშვი დაიხრჩო

© photo: Sputnikმდინარე
მდინარე - Sputnik საქართველო
გამოწერა
გამოძიების წინასწარი ინფორმაციით, მდინარის ნაპირზე სათამაშოდ გასულმა ბავშვებმა წყალში ჩავარდნილი მეგობრის გადარჩენა სცადეს, რა დროსაც თავადაც დაიღუპნენ.

თბილისი, 22 ივნისი — Sputnik. შვიდი ბავშვი, რომლებიც წყალში ჩავარდნილი მეგობრის გადარჩენას ცდილობდნენ, მდინარე ფუცზიანში თავადაც დაიხრჩო, იუწყება გაზეთი China Daily.

მდინარე - Sputnik საქართველო
ოზურგეთში ექვსი წლის ბავშვი დაიხრჩო

გავრცელებული ინფორმაციით, მას შემდეგ, რაც ხელისუფლებას აცნობეს, რომ დაბა მისინში მდინარეში ვიღაც ჩავარდა, სამძებრო–სამაშველო ოპერაცია დაიწყო. უგზო-უკვლოდ დაკარგულად გამოცხადებული რვა ბავშვის ძებნაში 200 მაშველი და პოლიციელი მონაწილეობდა.

სამწუხაროდ, ბავშვების გადარჩენა ვერ მოხერხდა. მაშველებმა წყლიდან რვა დაღუპული ბავშვის ცხედარი ამოიყვანეს.

ზუგდიდში 12 წლის ბიჭი დაიხრჩო>>

გამოძიების წინასწარი ინფორმაციით, ყველა მათგანი ადგილობრივი დაწყებითი სკოლის მოსწავლე იყო და ისინი მდინარის მახლობლად ცხოვრობდნენ.

ირკვევა, რომ ბავშვები სათამაშოდ გავიდნენ მდინარის ნაპირზე, რა დროსაც ერთ-ერთი მათგანი ჯებირიდან წყალში ჩავარდა. დანარჩენებმა მეგობრის გადარჩენა სცადეს, მაგრამ ისინიც წყალში ჩაცვივდნენ და იქიდან ამოსვლა ვეღარ მოახერხეს.

ყველა ახალი ამბავი
0