თბილისი, 3 ივნისი — Sputnik. მსოფლიოს ყველაზე მძლავრი რადიოტელესკოპი ტიანიანი (თარგმანში „ციური სარკმელი“), რომელიც ჩინეთის პროვინცია გუანჩჟოუში მდებარეობს, სექტემბრიდან არამიწიერი ცივილიზაციების სიგნალების ძებნას დაიწყებს, იუწყება ჩინური გამოცემა Science and Technology Daily.
China's giant radio telescope will start searching for aliens in September https://t.co/LhSslqvA6D
— Snapzu Science (@Snapzu_Science) June 3, 2020
გიგანტური ტელესკოპის მთავარი ამოცანებია ბნელი მატერიის შეცნობა, გალაქტიკების ფორმირებისა და ევოლუციის შესწავლა და ასევე სხვა სამეცნიერო მისიები. შემოდგომიდან კი ამ ჩამონათვალს უცხოპლანეტელების ძიებაც დაემატება.
ტელესკოპის აგებაზე, რომელიც 500-მეტრიან ღრმულში მდებარეობს, 185 მლნ დოლარი და 26 წელი დაიხარჯა.
ირკვევა, რომ ჩინელმა მეცნიერებმა არამიწიერი ცივილიზაციების სიგნალები ჯერ კიდევ ორი წლის წინ მიიღეს, მაგრამ მთელი ამ ხნის განმავლობაში დანადგარი მხოლოდ სატესტო რეჟიმში მუშაობდა.
როგორც სამეცნიერო ჯგუფის ხელმძღვანელი ჩჟან ტონჯი განმარტავს, უცხოპლანეტელების ძებნის გამო სხვა სამეცნიერო მისიების წარმოება არ შეწყდება.
მისი თქმით, თუ ის არამიწიერი ცივილიზაციები, რომლებიც კოსმოსში სიგნალებს გზავნიან, საკმაოდ ახლოს მდებარეობენ „ფოსტის“ მისაღებად, მაშინ ტელესკოპი, რომელსაც მეორენაირად FAST-საც უწოდებენ (Five hundred meter Aperture Spherical Telescope), მკვეთრად გაზრდის მათი აღმოჩენის შანსებს.
