მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

პრეზიდენტი გაბრაზებულია: Twitter-მა ტრამპის პოსტი არასანდოდ მონიშნა

© photo: AFP 2020 / BRENDAN SMIALOWSKIდონალდ ტრამპი
დონალდ ტრამპი - Sputnik საქართველო
გამოწერა
მას შემდეგ, რაც Twitter-მა პრეზიდენტის პოსტები მონიშნა როგორც „საეჭვო“, აშშ-ის ლიდერმა სოციალურ ქსელს თავისუფალი სიტყვის შეზღუდვასა და საპრეზიდენტო არჩევნებში ჩარევაში დასდო ბრალი.

თბილისი, 27 მაისი — Sputnik. სოციალურმა ქსელმა Twitter-მა პირველად მონიშნა დონალდ ტრამპის პოსტები როგორც „საეჭვო“ — პრეზიდენტის ორი ტვიტის ქვეშ გაჩნდა ავტომატური მოწოდება იუზერებისადმი, გადაამოწმონ გამოქვეყნებული ინფორმაცია.

​საუბარია პოსტზე, რომელშიც დონალდ ტრამპი აკრიტიკებს კალიფორნიის გუბერნატორის წინადადებას საარჩევნო ბიულეტენების მეილით დაგზავნისა და ფოსტით ხმის მიცემის თაობაზე.

„ეჭვგარეშეა, რომ ფოსტით დასაგზავნი ბიულეტენები — ეს თაღლითობაა!“ — ირწმუნება ტრამპი საკუთარ პოსტში.

მას შემდეგ, რაც Twitter-მა პრეზიდენტის პოსტებს ცისფერი ძახილის ნიშნები დაუსვა მოწოდებით, გადაამოწმონ მეილით ხმის მიცემის შესახებ ფაქტები, აშშ-ის ლიდერმა სოციალურ ქსელს თავისუფალი სიტყვის შეზღუდვასა და საპრეზიდენტო არჩევნებში ჩარევაში დასდო ბრალი.

„Twitter-ი ახრჩობს თავისუფალ სიტყვას და მე, როგორც პრეზიდენტი, არ დავუშვებ, რომ ეს ხდებოდეს“, — აცხადებს აშშ-ის ლიდერი.

შეერთებულ შტატებში საპრეზიდენტო არჩევნები მიმდინარე წლის 3 ნოემბერსაა დანიშნული.

ყველა ახალი ამბავი
0