თბილისი, 21 მაისი — Sputnik. ვირჯინიელმა ემილი და დევიდ შანცებმა გზაზე ორი ტომარა იპოვეს, რომელშიც დაახლოებით მილიონი დოლარი აღმოჩნდა, იუწყება WTVR–ი.
"For someone so honest and willing to give that almost a million dollars back, it's exceptional on their part." https://t.co/xQX3SdUfYm via @jonburkettcbs6
— WTVR CBS 6 Richmond (@CBS6) May 19, 2020
გავრცელებული ინფორმაციით შანცების ოჯახი ავტომობილით მგზავრობისას გადააწყდა გზაზე ტომრებს. მათ არც კი ჩაუხედავთ ტომრებში, ისე ჩაალაგეს საბარგულში, რათა ნაგვის უახლოეს ურნებში ჩაეყარათ. როდესაც „ნაგვის“ თავიდან მოშორება გადაწყვიტეს, ტომრებში პატარა ზომის პაკეტებში დაფასოებული ფული აღმოაჩინეს.
წყვილმა მაშინვე პოლიციაში დარეკა და მომხდარის შესახებ აცნობა. ამ დროისათვის სამართალდამცველები იკვლევენ, საიდან გაჩნდა მილიონამდე დოლარი შუა გზაზე.
მათი ვარაუდით, ფული საფოსტო სამსახურმა დაკარგა, როდესაც ის ბანკში გადაჰქონდა.
რაც შეეხება ემილი და დევიდ შანცებს, ისინი დარწმუნებულები არიან, რომ სწორად მოიქცნენ, ნაპოვნის შესახებ რომ შეატყო ბინეს პოლიციას, ვინაიდან ფული მათ არ ეკუთვნოდა.
