Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ხელთათმანები კორონავირუსისგან ვერ დაგიცავთ, პირიქით: გერმანელი ექსპერტების განმარტება

CC0 / leo2014 / Epidermic Wuhan's Virus Quarantineსამედიცინო ნიღაბი და ხელთათმანები
სამედიცინო ნიღაბი და ხელთათმანები  - Sputnik საქართველო
გამოწერა
ინფექციონისტის თქმით, ერთჯერადი ხელთათმანებით მაღაზიებში სიარული ნამდვილად არ არის გამოსავალი, ვინაიდან ეს კიდევ უფრო ზრდის ინფიცირების რისკს.

თბილისი, 13 მაისი — Sputnik. კორონავირუსით ინფიცირებისგან დაცვის მიზნით ნიღბების ტარება კარგა ხანია ეფექტურად და აუცილებლად ცნო ჯანდაცვის მსოფლიო ორგანიზაციამ, მაგრამ იცავს თუ არა ადამიანს დასნებოვნებისგან ერთჯერადი ხელთათმანები — ამ კითხვაზე პასუხი, დიდი ალბათობით, უარყოფითია, წერს გამოცემა Deutsche Welle.

„მართალია, ექიმები და მთელი სამედიცინო პერსონალი მუშაობისას აუცილებლად იყენებენ ერთჯერად ხელთათმანებს, მაგრამ ეს ხელებს მხოლოდ უხეში დაბინძურებისგან, მაგალითად, სისხლისა და სხვა ბიოლოგიური სითხეებისგან იცავს. რაც შეეხება ბაქტერიებსა და ვირუსებს, ხელთათმანები მხოლოდ მოკლეხნიან დაცვას უზრუნველყოფს“, — წერს გამოცემა. 

როგორც ირკვევა, ერთჯერადი ხელთათმანები ფოროვანი მასალისგან მზადდება და ამიტომ რაც უფრო დიდხანს ატარებთ მათ, მით უფრო მარტივად აღწევს შიგნით პათოგენები და მიკროორგანიზმები. 

ტუბერკულოზის დიაგნოსტიკა - Sputnik საქართველო
თოვლის ზვავის ეფექტი: მეცნიერები კორონავირუსის შემდეგ სხვა ახალ ეპიდემიას ელოდებიან

„სწორედ ეს არის ერთ-ერთი მიზეზი იმისა, რომ ექიმები ერთჯერადი ხელთათმანების გამოყენების შემდეგ საგულდაგულოდ იბანენ და დეზინფექციას უტარებენ ხელებს“, — ნათქვამია გერმანული გამოცემის სტატიაში. 

გამოცემა აზუსტებს, რომ ვინილის, ლატექსისა თუ ნიტრილისგან დამზადებული ხელთათმანები სტერილურობის ცრუ შეგრძნებას ბადებს და „უფრო მეტიც, ექიმები გვაფრთხილებენ, რომ ხელთათმანების ტარებამ შესაძლოა კიდეც გაზარდოს ინფიცირების რისკი. ერთჯერად ხელთათმანებში კანი სწრაფად ოფლიანდება, ხოლო თბილი და ტენიანი ატმოსფერო იდეალური გარემოა ყველა სახის ბაქტერიებისა და ვირუსებისთვის“. 

იგივე შეხედულებისაა გერმანელი ექიმი იენს მეთიუსი, რომლის თქმითაც „ძალიან მოკლე დროში ერთჯერადი ხელთათმანი იმაზე მეტ ბაქტერიას იგროვებს ზედაპირზე, ვიდრე ხელები“. 

ინფიცირების კიდევ ერთი გზა: მეცნიერი ვირუსის დავიწყებულ თვისებას ასახელებს>>

ავსტრიის ინფექციური კონტროლის (ÖGKH) ხელმძღვანელი ოიან ასადიანი უკვე მრავალი წელია აფრთხილებს ადამიანებს სამედიცინო ხელთათმანების ყოფაში გამოყენების მიზანშეუწონლობის შესახებ. მისი თქმით, თუ კორონავირუსისგან საკუთარი თავისა და ახლობლების დაცვა გსურთ, ტრადიციულ ზომებს უნდა მიმართოთ — საგულდაგულოდ იბანოთ ხელები საპნით, ხელთათმანებით მაღაზიებში სიარული კი ნამდვილად არ არის გამოსავალი.

 

ყველა ახალი ამბავი
0