Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

დადგინდა, რომელი პრეპარატი შეაჩერებს COVID-19-ით კაცების სიკვდილს

© REUTERS / JUAN MEDINAკორონავირუსის ეპიდემია
კორონავირუსის ეპიდემია  - Sputnik საქართველო
გამოწერა
პროფესორმა ალიმონტიმ და მისმა კოლეგებმა, აკვირდებოდნენ რა COVID-19-ის განვითარებას ვენეციის 10 ათას მცხოვრებში, რომელთაგან ნახევარი მამაკაცები იყვნენ, წამოაყენეს ჰიპოთეზა, რომელიც ხსნის, რატომ არის ძლიერი სქესი ესოდენ მოწყვლადი კორონავირუსის მიმართ.

თბილისი, 7 მაისი — Sputnik. პრეპარატები, რომელიც ტესტოსტერონის სინთეზს თრგუნავს, კორონავირუსით ინფიცირებულ მამაკაცებს შორის სიკვდილიანობას დაახლოებით ოთხჯერ ამცირებს, აცხადებენ მეცნიერები, რომელთა კვლევაც გამოქვეყნებულია სამეცნიერო ჟურნალში Annals of Oncology.

„იმედი მაქვს, რომ ჩვენი დაკვირვება სხვა მედიკოსებს ანტიანდროგენების გამოყენებით კორონავირუსული ინფექციის მკურნალობის კლინიკური ცდებისკენ უბიძგებს. რა თქმა უნდა, საჭიროა დამატებითი მონაცემები, თუმცა უკვე არსებულიც მეტყველებს იმაზე, რომ მამაკაცების მოწყვლადობა COVID-19-ის მიმართ სქესობრივი ჰორმონების მუშაობაზეა დამოკიდებული“, — განმარტავს კვლევის ერთ-ერთი ავტორი, პროფესორი ანდრეა ალიმონტი.

ექიმებმა კორონავირუსული ეპიდემიის პირველსავე დღეებში შენიშნეს, რომ მამაკაცები ქალებზე ხშირად ინფიცირდებოდნენ. შემდგომმა დაკვირვებებმა კი აჩვენა, რომ მათ შორის ასევე მეტი იყო COVID-19-ით სიკვდილიანობის შემთხვევები — ინფიცირებული კაცები ქალებთან შედარებით დაახლოებით 2,5-ჯერ ხშირად იღუპებოდნენ. 

ექიმები და კორონავირუსზე ეჭვმიტანილი - Sputnik საქართველო
ქალები თუ მამაკაცები: ვინ უფრო მეტად ავადდება კორონავირუსით - ეპიდემიოლოგი განმარტავს

პროფესორმა ალიმონტიმ და მისმა კოლეგებმა, აკვირდებოდნენ რა COVID-19-ის განვითარებას ვენეციის 10 ათას მცხოვრებში, რომელთაგან ნახევარი მამაკაცები იყვნენ, წამოაყენეს ჰიპოთეზა, რომელიც ხსნის, რატომ არის ძლიერი სქესი ესოდენ მოწყვლადი კორონავირუსის მიმართ.

აღსანიშნავია, რომ დაკვირვების ქვეშ მყოფი ვენეციელების 10%-ს კიბოს სხვადასხვა ფორმა ჰქონდა, მათ შორის, პროსტატის კიბო.

სწავლულებმა დაადგინეს, რომ კიბოთი დაავადებული მამაკაცები, რომლებიც ანტიანდროგენულ პრეპარატებს იღებდნენ, არა მარტო 4–5-ჯერ იშვიათად იღუპებოდნენ კორონავირუსული ინფექციისგან, არამედ ბევრად იოლად გადაჰქონდათ კიდეც დაავადება. მაგალითად, 5 273 ვენეციელიდან, რომლებიც ამგვარ წამლებს იღებდნენ, COVID-19-ით მხოლოდ ოთხი მამაკაცი დაავადდა. ამასთან, არც ერთი მათგანი არ გარდაცვლილა — განსხვავებით იმათგან, რომლებიც ანტიანდროგენულ პრეპარატებს არ იღებდნენ. 

მიზეზი დადგინდა: რატომ იღუპებიან მამაკაცები COVID-19-ით ქალებზე ხშირად>>

მეცნიერების ვარაუდით, ანტიანდროგენების კეთილისმყოფელი გავლენა იმას უკავშირდება, რომ ეს ნივთიერებები აქვეითებს ცილა TMPRSS2-ის კონცენტრაციას, რომელიც, გარდა იმისა, რომ პროსტატის სიმსივნის წარმოქმნაში მონაწილეობს, ასევე ხელს უწყობს კორონავირუსის გავრცელებას სხვადასხვა ორგანოში.

სწორედ ამიტომ ალიმონტი და მისი კოლეგები ვარაუდობენ, რომ ტესტოსტერონის სინთეზის დამბლოკავი პრეპარატები დადებით გავლენას ახდენს არა მარტო კიბოთი დაავადებული, არამედ კორონავირუსით ინფიცირებული მამაკაცების ჯანმრთელობაზეც.

COVID-19-ით სიკვდილიანობას ეს აცრა განსაზღვრავს: მეცნიერები სენსაციურ კვლევას აქვეყნებენ>>

მეცნიერებმა წამოაყენეს წინადადება, შემოწმდეს ეს თეორია უკვე მიმდინარე ან მომზადების ეტაპზე მყოფი კლინიკური ცდების ფარგლებში იმ ანტიანდროგენებზე, რომელთა დროებითი მიღება მამაკაცების ორგანიზმში შეუქცევად პროცესებს არ გამოიწვევს.

 

ყველა ახალი ამბავი
0