თბილისი, 7 მაისი — Sputnik. ავსტრალიელმა ხუთი წლის ბიჭმა სამი წლის და გაშმაგებული კენგურუსგან დაიცვა, თავად კი მძიმე დაზიანებები მიიღო, იუწყება 7News.
გავრცელებული ინფორმაციით, 4 მაისს ხუთი წლის კუპერ ჰაინცი და მისი სამი წლის და ჯორჯია სახლის უკანა ეზოში თამაშობდნენ. მოულოდნელად გოგონას მეტრ-ნახევარი სიმაღლის კენგურუ დაესხა თავს. ბიჭი შეეცადა აგრესიული ცხოველისაგან დაეცვა ჯორჯია და გოგონასა და თავდამსხმელს შორის ჩადგა. დას კი დაუყვირა - „გაიქეცი, ჯორჯია!“
A 5yo autistic boy has puncture wounds and scratches all over his body after protecting his sister from a kangaroo. The wild animal turned on Cooper Heinz attacking him at his home on the Mid North Coast yesterday. https://t.co/TWh1KQycs4 #7NEWS pic.twitter.com/qm4fisJ4jr
— 7NEWS Sydney (@7NewsSydney) May 4, 2020
ბავშვების დედა ჰოლი მედენმა, რომელიც ამ მომენტში მათგან 25 მეტრის მოშორებით იდგა, დაინახა, როგორ წააქცია ცხოველმა კუპერი, მერე კი თავზე დაახტა. ქალმა ხელი სტაცა კრიკეტის ჩოგანს და ყვირილით გაიქცა კენგურუსკენ.
ცხოველს მოულოდნელი თავდამსხმელისა შეეშინდა და გაიქცა. კუპერმა ღრმა ჭრილობები მიიღო ხელებზე, სხეულსა და თავზე.
თავდასხმის შემდეგ ბიჭი, რომელიც აუტისტური სპექტრის აშლილობით არის დაავადებული, ოჯახის წევრების გარდა არავის ელაპარაკება. თუმცა ის მანამდე ძალიან კომუნიკაბელური იყო.
გამოცემის ცნობით, ინციდენტის შემდეგ ორივე ბავშვს ეშინია გარეთ გასვლის.
