Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ევროკავშირი უცხოელებისთვის საზღვრებს ჩაკეტავს

© REUTERS / MYKOLA TYSშემოწმება საზღვარზე
შემოწმება საზღვარზე - Sputnik საქართველო
გამოწერა
ევროპაში ახალი კორონავირუსით დაავადებულთა რაოდენობა სწრაფად იზრდება, რის გამოც ქვეყნები საზღვრებს კეტავენ და ავიამიმოსვლას ზღუდავენ

თბილისი, 16 მარტი - Sputnik. ევროკომისია ევროკავშირის ქვეყნებს ურჩევს, 30 დღით შეზღუდონ უცხოელების შესვლა, განაცხადა ევროკომისიის პრეზიდენტმა ურსულა ფონ დერ ლიაიენმა.

„ევროკომისია წარმოადგენს თავის პრინციპებს სასაზღვრო ზომებთან დაკავშირებით და ევროკავშირში არამნიშვნელოვან მგზავრობაზე დროებითი შეზღუდვების დაწესების წინადადებით გამოდის“, - დაწერა მან Twitter-ზე.

სასწრაფო დახმარება - Sputnik საქართველო
ინფიცირებულთა მდგომარეობა - ბოლო მონაცემები თენგიზ ცერცვაძისგან

მისი თქმით, შეზღუდვა 30 დღით გაგრძელდება.

ფინეთის პრემიერ-მინისტრმა სანა მარინმა განაცხადა, რომ ქვეყანა მზადაა, საზღვრები ჩაკეტოს. შეზღუდვა არ იმოქმედებს იმ ფინელებისთვის, რომლებიც სამშობლოში ბრუნდებიან, და მათთვის, ვინც ფინეთში ცხოვრობს და მუშაობს.

ავსტრიამ, უნგრეთმა, ჩეხეთმა, დანიამ, პოლონეთმა, ლიეტუვამ, გერმანიამ და შვეიცარიამ ევროკომისიას უკვე აცნობეს, რომ საზღვრებზე კონტროლს დააწესებდნენ. ის შეიძლება დაწესდეს დაუყოვნებლივ, ათი დღის ვადით და გაგრძელდეს მაქსიმუმ ორი თვით.

ბოლო მონაცემებით, მსოფლიოში კორონავირუსის 170 ათასი შემთხვევაა დარეგისტრირებული. მათგან 81 ათასი - ჩინეთში, 89 ათასი - მის ფარგლებს გარეთ. ინფექციამ 133 ქვეყანაში შეაღწია. ვირუსით გარდაიცვალა 6,5 ათასი ადამიანი.

ყველა ახალი ამბავი
0